Էլվիս Փրեսլին հետմահու ռեկորդակիր է դարձել

Ռոք-ն-ռոլի արքա Էլվիս Փրեսլին հետմահու շրջանցել է Մադոննայի ռեկորդը Մեծ Բրիտանիայի ձայնասկավառակների շքերթում: Այս մասին հաղորդում է «Բի-բի-սի»-ն:

«The Wonder Of You» սկավառակը Էլվիսի 13-րդ սկավառակն է, որը գլխավորել է բրիտանական շքերթները: Այսպիսով երաժիշտը հետմահու սահմանել է նոր ռեկորդ` սկավառակների թվով առաջինը լինելով անհատ կատարողների շարքում:

Արտիստի այրին` Պրիսցիլլա Փրեսլին, «Official Charts Company» երաժշտական ​​ընկերությանն ասել է, որ հպարտ է ամուսնու բոլոր ձեռքբերումներով և շատ շնորհակալ է Բրիտանիայի երկրպագուներին, որոնց աջակցությունը թույլ է տալիս Փրեսլիի ժառանգությանը ապրել: Նոր սկավառակը ներառում է երգեր, որտեղ երգչի օրիգինալ վոկալը ուղեկցվում է թագավորական ֆիլհարմոնիկ նվագախմբի երաժշտությամբ:

Բրիտանական հիթ շքերթում Փրեսլին իր տեղը զիջում է միայն «Beatles»-ին, ովքեր նման 15 սկավառակ ունեն: