Այսօր երգչուհի Ալսուի ծննդյան օրն է

Ալսու Ռալիֆովնա Աբրամովա (հայրական ազգանունը՝ Սաֆինա; թաթ. Алсу Рәлиф кызы Абрамова (Сафина), Alsu Rəlif qızı Abramova (Safina), հունիսի 27 1983, Բուգուլմա, Թաթարստան), թաթարական ծագումով ռուս երգչուհի։

Ալսուն ծնվել է Թաթարական ԻԽՍՀ-ի Բուգուլմա քաղաքում։ Ազգությամբ թաթար է։ Հայրը` Ռալիֆ Սաֆինը (ծնվել է 1954 թ. հունվարի 3-ին, ազգությամբ բաշկիր է, գործարար է, «Лукойл» նավթային ընկերության նախկին փոխնախագահը, ինչպես նաև քաղաքական գործիչ է, Ռուսաստանի Դաշնային խարհրդի անդամ է, Ալթայի Հանրապետության սենատոր։ Մայրը` Ռազիա Սաֆինան, ճարտարապետ է։ Ալսուն ունի երեք եղբայր` Ռուսլան (1973), Մարատ (1977) և Ռենարդ (1996):

Ալսուն իր երաժշտական կարիերան սկսել է 1998 թվականին, երբ նա ընդամենը 15 տարեկան էր։ Նրա երկու առաջին սինգլերը` «Ձմեռային երազ» (ռուս.՝ «Зимний сон») և «Երբեմն» (ռուս.՝ «Иногда») մեծ հաջողություն ունեցան և մինչ օրս համարվում են երգչուհու այցեքարտը։ Երգչուհու առաջին երաժշտական հավաքածուն, որ կոչվում էր «Ալսու» («Алсу»), վաճառքի է հանվել 1999 թվականի սեպտեմբերի 15-ին։ Առաջին վեց ամիսների ընթացքում վաճառվել է ավելի քան 700 000 օրինակ։