Այս տարվա իմ ամենամեծ ձեռքբերումը համարում եմ վերապրելս. Ռուդոլֆ Ղևոնդյան

Հայտնի դերասան Ռուդոլֆ Ղևոնդյանն Operativ.am-ի թղթակիցի հետ զրույցում կիսվել է 2015 թվականին ունեցած իր ձեռքբերումների, Ձմեռ պապիկից ստացած ամենատպավորիչ նվերի, և իհարկե, Նոր տարուց սպասելիքերի մասին: 

Կնշե՞ք 2015 թվականի Ձեր գլխավոր ձեռքբերումը:

2015 թվականի ձեռբերումս համարում եմ վերապրելս, իսկ վերապրելս այսօր համարում եմ ֆիլմում 10-րդ դերը ստանալը: Բեմադրության մեջ ստանձնել եմ նաև Գիքորի դերը: Թատրոնում աշխատում եմ, և առհասարակ, աշխատում եմ ամենաբարձր տրամադրությամբ՝ երգում եմ, պարում: 

Ո՞րն է եղել Ձմեռ պապիկի նվիրած ամենատպավորիչ նվերը:

«Նոր տարի» հասկացողությունն արդեն իմ նվերն է: Չկա ավելի ավ բան, քան այն, երբ ասում ենք. «Շնորհավո՛ր Նոր տարի:

Իսկ ի՞նչ եք ակնկալում 2016 թվականից և ի՞նչ կմաղթեք հայությանը Նոր տարվա կապակցությամբ:  

2016 թվականը՝ Կապիկի տարին, մարդկությանը հնարավորություն է տալու մեծ ճախրանքների, հրաշքների: Հնարավորություն է տալու ծառից ծառ թռչելու, նոր պտուղներ քաղելու, նոր գործեր հյուսելու համար: Այծի տարուց դեպի Կապիկի տարին անցնելիս, բոլորին ցանկանում եմ առյուծային առողջություն, հաղթանակներ և զուտ մարդկային հարաբերություններ: Թո՛ղ թագավորեն այն մեկ ոտքի տեղը, որ Աստված իրենց տվել է: Բարի բախտ և երջանկություն եմ ցանկանում, հայի բախտ եմ ցանկանում: Այս տարի գտե՛ք Ձերը, քաղե՛ք պտուղները:

Operativ.am-ը շնորհավորում է դերասանի Նոր տարին և մաղթում հաջողություններ և երջանկություն: