Երեքամյա տղան ճանաչվել է որպես Բրիտանիայի ամենախելացի երեխա

Երեք տարեկան տղան ճանաչվել է որպես Բրիտանիայի ամենախելացի երեխա, գրում է Mirror-ը։ Նրա ծնողներն ասում են, որ իրենց որդին երկու տարեկանում արդեն կարդալ գիտեր։

Թեդի Հոբսը սկսել է կարդալ կորոնավիրուսային արգելափակման ժամանակ՝ զարմացնելով մորն ու հորը։ Դրանից հետո տղան սովորել է չինարենով հաշվել մինչև 100-ը։ Բացի այդ, նա արդեն անգիր գիտի բազմապատկման աղյուսակը։ Ծնողները տեսնելով որդու առաջընթացը, Mensa-ի փորձագետներին խնդրել են երեխային փորձարկել։

Թեստի արդյունքների համաձայն՝ փորձագետները հայտնել են, որ Թեդին ունի ութ տարեկան երեխայի խելք։ Ազատ ժամանակ տղան զբաղվում է մարմնամարզությամբ և լողով։ Նա նաև սիրում է կարդալ իր մեկամյա քրոջ համար և երազում է բժիշկ դառնալ։

«Թեդիից մենք միայն ուզում ենք, որ նա լավ մարդ լինի և վայելի կյանքը: Սա այն ամենն է, ինչ կարող է ցանկանալ ցանկացած ծնող»,- մեկնաբանել է տղայի մայրը։