Գլխի շրջանում հրազենային վիրավորումից մահացել է ժամկետային զինծառայող

Հուլիսի 14-ին, ժամը 10։25-ի սահմաններում, հանրապետության արևելյան ուղղությամբ տեղակայված N զորամասի մարտական դիրքում հայտնաբերվել է պարտադիր ժամկետային զինծառայող, շարքային Արսեն Արմենի Մանուկյանի (ծնվ. 2003թ.) դին՝ գլխի շրջանում հրազենային վիրավորումով։ Այս մասին տեղեկացնում է ՊՆ մամուլի ծառայությունը։

Տարվում է քննություն՝ դեպքի հանգամանքները լիարժեք պարզելու համար։