Ո՞ւր է կորել Նաիրա Մովսիսյանը

«Պահանջվում է միլիոնատեր», «Կյանքի կարուսել», «Հրեշտակների դպրոցը» և այլ հեռուստանախագծերում հանդես եկած դերասանուհի Նաիրա Մովսիսյանը, որքան ժամանակ է լուռ է. նրան չենք տեսնում ո՛չ ֆիլմերում,ո՛չ էլ բեմում:
«Tatron.info»-ն փորձեց պարզել դերասանուհու այսքան երկար լռության պատճառը և պարզել, թե այսքան ժամանակ ինչով էր զբաղվում դերասնուհին:
-Հետաքրքիր է' ուր է կորել Նաիրա Մովսիսյան դերասանուհին:
-Չեմ կորել, սպասում եմ վերադարձին։ Հիմա, պարզապես, զբաղվում եմ բիզնեսով և ցանկություն ունեմ մեկնել և կրթություն ստանալ այլ երկրում։ Այս քանի օրերի իրադարձությունները (կապված Սոս Սարգսյանի մահվան հետ) ևս մեկ անգամ ստիպեցին մտածել, որ թատերարվեստը վերջնակետին է հասնում մեր երկրում:
-Եթե գաղտնիք չէ, ի՞նչ բիզնեսով եք զբաղվում:
-Գեղեցկության սրահ և երեկույթների կազմակերպման գործակալություն եմ բացել:
-Իսկ արտերկրում կրկին շարունակելո՞ւ եք դերասանի մասնագիտությունը, թե այլ ոլորտում կփորձեք Ձեր ուժերը:
-Անշուշտ նույն մասնագիտությամբ կշարունակեմ։ Ես ինչով էլ զբաղվեմ, չեմ թողնի երբևէ իմ մասնագիտությունը:
-Դուք այժմ սերիալներում կամ հաղորդումներում չե՞ք նկարահանվում:
-Պետք է նշեմ, որ այժմ չունեմ նման պլաններ' նկարահանվել ֆիլմում կամ սերիալում:
- Հետաքրքիր է' հիասթափվե՞լ եք մի բանից, որ այժմ չեք ցանականում երևալ էկրաններին:
- Ես իմ որոշումներից երբեք չեմ հիասթափվում:
-Երբ կրկին կտեսնենք Ձեզ բեմում կամ էկրաններին:
-Հենց մոտ օրերս. հոկտեմբերի 15-16-ին Ստանիսլավսկու անվան ռուսական դրամատիկական թատրոնի բեմում կներկայանամ «Դոն Ժուան ավիա» ներկայացումով:
Ինչպես երևում է, լինես դերասան, թե երգիչ, զբաղվես բիզնեսով, թե' ոչ, միևնույնն է կան մասնագիտություններ, որոնք, պարզապես, թույլ չեն տալիս, որ դու իրենցից հեռանաս։