Կառավարությունը հակված չէ, որ խորհրդարանական կառավարում լինի. Էդմոն Մարուքյան
«Լուսավոր Հայաստան խմբակցությունը մտադրություն ունի ՊԵԿ նախագահին կանչել ԱԺ՝ ճշտելու արդյոք իրականությանը համապատասպանո՞ւմ են տեղեկությունները, որ ՊԵԿ նախագահը պղնձամոլիբդենային կոմբինատից 2018թ․-ի բյուջեն համալրելու նպատակով երկու անգամ 4.5 մլրդ դրամ է մուտք արել վերադարձնելու պայմանով: Մարուքյանն այսօր ԱԺ-ում նշեց, որ դա եղել է Մանե Թանդիլյանի գաղափարը և չի բացառվում, որ իրականացնեն:
«Ֆորմատը չենք որոշել, բայց դրանից չի փոխվի, որովհետև խոսքը գնալու է մեզ հուզող հարցերի պատասծխաններն ստանալու մասին»,- ասաց նա։
Խորհրդարանական վերահսկողությունից դուրս գտնվող մարմնի նկատմամբ վերահսկողություն իրականացնելու այլ ելք չունեն:
Անդրադառնալով խորհրադարանի դերի բարձրացմանն ուղղված քայլերին ու նպատակներին՝ Մարուքյանը նշեց, որ երկիրը խորհրդարանական լինելով՝ պատգամավորները լծակներ չունեն գործադիրին վերհսկելու:
«Հիմա ի՞նչ լիազորություն ունի, մի հատ վարչապետին ընտրում է ու վերջ, ոչ մի բանում չի կարող միջամտել, ո՛չ կառավարության կառուցվածքի, ո՛չ պաշտոնների, ո՛չ նախարարների նշանակմանը: Անգամ նախագիծ էինք շրջանառության մեջ դնում, որ դեսպանները նշանակումից առաջ գան արտաքին հարաբերությունների հանձնաժողով, իմացա, որ կառավարությունն ուզում է բացասական եզրակացություն տալ, սրանք ինդիկատորներ են, որոնք ցույց են տալիս, որ կառավարությունը հակված չէ, որ խորհրդարանական կառավարում լինի»,- ասաց Մարուքյանը: