Քաղցկեղից մահացող հարսնացուին փեսացուն լքել է հարսանիքից մի քանի օր առաջ

Մեզանից շատերն են զույգերի սիրո մասին սրտառուչ պատմություններ լսել, որոնք ամուսնացել են ուղղակի հիվանդասենյակում եւ միմյանց չեն լքել, չնայած բոլոր դժվարություններին, որոնց ստիպված են եղել բախվել: Բայց հակառակն էլ է պատահում...

24-ամյա Էմիլի Նիքոլսոնը պնդում է, որ իր փեսացու Ջեյմի Սմիթն իրեն լքել է հարսանիքից մի քանի օր առաջ: Էմիլին բուժվում էր ուղեղի քաղցկեղի հազվագյուտ տարատեսակի դեմ, իսկ ստերոիդներով բուժման պատճառով 30 կգ-ով գիրացել էր:

Երբ բժիշկները Էմիլիի մոտ հայտնաբերել են ուղեղի անբուժելի ուռուցքը, նրան ասել են, որ իրեն առավելագույնը մեկ տարվա կյանք է մնացել: 2016 թվականի փետրվարն էր: Էմիլին եւ նրա ընկերը որոշել են ամուսնանալ. Էմիլին միշտ երազել է հարսանիքի մասին եւ հասկանում էր, որ այդ իրադարձությունը, հնարավոր է, կդառնա իր կարճատեւ կյանքի վերջին լուսավոր հետքը:

Էմիլին սկսել է բուժվել՝ ազատ ժամերին ծրագրելով հարսանիքը: Բուժման հետ կապված դժվարությունները զույգին չեն մերձեցրել, հակառակը՝ նրանց հարաբերություններում շատ խնդիրներ են առաջացրել: Ջեյմին սկսել է հաճախակի զբոսնել ընկերների հետ, իսկ Էմիլին չի կարողացել նրանց միանալ բուժման պատճառով: Դրանից բացի ստերոիդային դեղամիջոցների հետեւանքով, որոնք անհրաժեշտ էր ընդունել բուժման ընթացքում, Էմիլին, որը նախկին մոդել էր, ընդամենը 6 շաբաթում 30 կգ-ով գիրացել է:

Հարսանիքից ընդամենը մի քանի օր առաջ Ջեյմին հայտարարել է, որ հեռանում է Էմիլիից: Ավելին՝ նա դա հայտնել է անգամ ոչ անձնական հանդիպման ժամանակ, այլ համացանցում հաղորդագրության միջոցով:

Էմիլիի խոսքով՝ Ջեյմին իր քայլով իրեն շատ մեծ ցավ է պատճառել, բայց հիմա նրա նկատմամբ ոչ մի զգացում չունի: Ինքը՝ Ջեյմին պնդում է, որ ոչ թե ինքն է Էմիլիին լքել, այլ նա իրեն:

Էմիլին Ավստրալիայից Մեծ Բրիտանիա է տեղափոխվել՝ իմունոթերապիա ստանալու հույսով. քաղցկեղի բուժման նոր մոտեցում է: Բուժման համար նա 30 հազար ֆունտի կարիք ունի, եւ նրա ազգականները փորձում են այդ գումարը հավաքել GoFundMe հարթակում:

Առայժմ հայտնի չէ, թե նա ինչ հեռանկարներ ունի, բայց հայտնի է մի բան՝ նա արդեն ավելի երկար է ապրել, քան բժիշկները նախապես կանխորոշել էին: