Արքայազն Հարիի ու Մեգան Մարքլի երեխաները թագավորական տիտղոս չեն կրի, և ինքնուրույն կվաստակեն սեփական ապրուստը

Որոշ ժամանակ առաջ արտասահմանյան լրատվամիջոցները պարզել էին, որ Մեծ Բրիտանիայի արքայազն Հարիի ու Մեգան Մարքլի հետնորդները թագավորական տիտղոսներ չեն կրի, և որ նրանց ապրուստը կապահովի ոչ թե պետական գանձարանը, այլ հենց իրենք, գրում է Woman.ru-ն:

Բանն այն է, որ 1917թ.-ին Ջորջ V թագավորը՝ Հարիի նախապապը, իր ընտանիքում թագավորական տիտղոս նշանակելու վերաբերյալ սահմանափակումներ է դրել:

Օրերս բրիտանական Express թերթը հաղորդել է, որ Սասեքսի դքսի և դքսուհու հետնորդների կյանքը կտարբերվի նրանց զարմիկների՝ արքայազն Ջորջի, արքայադուստր Շառլոտի և արքայազն Լուիի կյանքից: Մինչ արքայազն Ուիլիամի և Քեյթ Միդլթոնի երեխաները կշարունակեն կատարել արքայական ընտանիքի պարտականությունները, Հարիի ու Մեգանի երեխաները ազատ կլինեն դրանից և չեն օգտվի պետական գանձարանից:

«Քանի որ Սասեքսի դքսի և դքսուհու երեխաները պաշտոնական տիտղոսներ չեն ունենա, ապագայում նրանք ստիպված կլինեն ինքնուրույն վաստակել սեփական ապրուստը»,- ասել է թագավորական ընտանիքի գծով մասնագետ Իմոգեն Վեբերը՝ նշելով, որ այդ կարգավիճակը Մեգանի և Հարիի երեխաներին ավելի շատ ազատություն կտա, որից զրկված է բրիտանական թագավորական ընտանիքի անդամների մեծ մասը: