Բոմժ եք դառնալու, այ թալանչի ստահակներ. Նիկոլ Փաշինյանի կոշտ պատասխանը Սասուն Միքայելյանին քննադատողներին
Սպիտակ քաղաքում նախընտրական հանդիպման ժամանակ վարչապետի պաշտոնակատար Նիկոլ Փաշինյանը պատասխանել է նրանց, ովքեր քննադատել են ՔՊ վարչության նախագահ Սասուն Միքայլեյանի երեկվա հայտարարությունը: Հիշեցնենք, որ նախընտրական հանդիպման ժամանակ Շիրակի մարզում Սասուն Միքայելյանը հայտարարել էր, որ ապրիլյան հեղափոխության հաղթանակն ավելի կարևոր էր, քան Արցախյան ազատամարտում տարած հաղթանակը: Հետո նա մյուս հանդիպումների ժամանակ խմբագրել էր իր այդ հայտարարությունը:
“Բանը հասել է նրան, որ որոշ հանրապետականներ՝ շուշանպետրոսյանա-արմենաշոտյանական, Արցախյան ազատամարտը որոշել են պաշտպանել Սասուն Միքայելյանից: Տո ձեր քաշի չափ Սասուն Միքայելյանի մարմնում ասկոլկա կա, ձեր քաշի չափ: Դուք էդ ումի՞ց եք պաշտպանում, դուք, որ երկար տարիներ ոչ միայն բերաններդ ջուր առած հետևել և ղեկավարել եք բանակի թալանը, հիմա էլ եղունգներով ուզում եք պաշտպանել բանակը թալանելու ձեր իրավունքը, ես թույլ չեմ տալու ձեզ:
Ես ինչ որ չեմ հիշում, որ որոշ մարիկ, այդ թվում՝ Արցախում ինչ-որ մի նախադասություն ասած լինեն այն առիթով, երբ որ պարզվեց Մանվել Գրիգորյանը զինվորի հացը գողացել, տարել էր իր արջերին ու շներին կերակրել: Բա ո՞ւր էինք էդ ժամանակ, այ ազատամարտի պաշտպաններ: Գիտեմ ուր էիք, որովհետև ձեզանից ոմանք նույնպիսի պահեստներ ունեն նաև որոշ տեղերում, և մենք էդ պահեստների տեղը գիտենք, մենք էդ պահեստների լուսանկարները ունենք, էդ պահեստները բացահայտել ենք: Շատ բան եթե չենք ասում, այդտեղ ազգային անվտանգության ու պետական գաղտնիքի հարց կա”,- ասաց Փաշինյանը:
Նա նշեց, որ ոմանք բանակի համար նախատեսված հիմնադրամներից իրանց վետերոկներն էին ֆինանսավորում, ինչո՞ւ այն ժամանակ ազատամարտի պաշտպանները չէին խոսում: Նիկոլ Փաշինյանը նշեց, որ միջնորդել է գլխավոր դատախազին, որպեսզի ուսումնասիրվի այդ հարցը, թե ինչ սնունդ է մատակարարվում բանակին:
«Ու հատ-հատ գտնելու եմ էդ մարդկանց ու պատասխանատվության եմ ենթարկելու, ինչ կոչում ուզում ա ունենան: Ինչի՞, էդ կոչումները վերցրել եք, որ ձեր սեփական ժողովրդին թալանե՞ք, որ նվաստացնեք ու ընտանիքներ քանդե՞ք: Ես ինչ-որ չեմ հիշում, որ Արցախի ազատամարտի պաշտպանները կես բառ ասած լինեն էն կապակցությամբ, որ Սերժ Սարգսյանի ախպոր բանկային հաշվում մենակ մի բակում 30 մլն դոլար ըլնի: Ոչ մեկ չի հարցնում՝ էդ որտեղի՞ց 30 մլն դոլար ձեզ, եթե մեր զինվորը տռուսիկ ու մայկա չունի, այ թալանչի, ստահակներ:
Եվ ես ասում եմ՝ էդ բոլոր 30, 10, 20 մլն-ի հետևից գնալու ենք, ձեռներիցդ առնելու ենք, վերադարձնելու ենք մեր բանակին: Հատ-հատ պատրաստվեք, ձեռներիցդ առնելու ենք ձեր թալանած վերջին կոպեկը: Եվ չեմ բացառում, որ ոմանք այս պրոցեսի արդյունքում բոմժ են դառնալու, որովհետև իրենք բոմժ են եղել, պետք է վերադառնան իրենց նախնական կարգավիճակին: Հիմա էլ եկել ելույթ են ունենում, ես հատ-հատ եմ ձեզ անդրադառնալու”,- նախազգուշացրեց Փաշինյանը: