Երկու ոստիկանի սպանության մեջ մեղադրվող գնդապետին հանրային պաշտպան է տրամադրվել

HSBC բանկի «Կոմիտաս» մասնաճյուղի վրա զինված ավազակային հարձակման, երկու անձի սպանության եւ սպանության փորձի մեջ մեղադրվող ՃՈ գնդապետ Դանիել Դանիելյանի շահերն այսուհետ կներկայացնի հանրային պաշտպանի գրասենյակի անդամ, փաստաբան Ռուզաննա Սիրեկանյանը։ Այսօր՝ նոյեմբերի 5–ին, Երեւանի ընդհանուր իրավասության դատարանի Կենտրոնի նստավայրում նախագահող դատավոր Տաթեւիկ Գրիգորյանը հայտնեց, որ հանրային պաշտպանի գրասենյակը գործը հանձնարարել է նրան։

Այսօրվա դատական նիսիտին, սակայն Ռուզաննա Սիրեկանյանը չէր ներկայացել, ինչի պայմաններում այսօրվա դատական նիստը հետաձգվեց։ Նշենք, որ նախորդ դատական նիստւն Դանիելյանը հրաժարվել էր իր պաշտպանից՝ Արմեն Հայրապետյանից՝ ֆինանսական միջոցներ չունենալու պատճառով։ Ամբաստանյալը դատարանին խնդրել էր իրեն ապահովել հանրային պաշտպանով։

Ըստ մեղադրանքի՝ 2018 թվականի մայիսի 3-ին դիմակավորված, զինված Դանիել ԴանիելյաՆը բռնության սպառնալիքով՝ զենքով եւ նռնակով սպառնալով, «Էյչ-Էս-Բի-Սի բանկ Հայաստան» ՓԲ ընկերության «Կոմիտաս» մասնաճյուղից հափշտակել է 500,000 ԱՄՆ դոլար գումար, որից հետո՝ կարաբինով մեկ անգամ կրակել է իր ծառայողական գործունեությունն իրականացնող Խաչատուր Գալստյանի վրա եւ նրան զրկել կյանքից կյանքից, ապա վնասվածքներ հասցրել մեկ այլ ոստիկանի եւ դիմել փախուստի։

Դանիելյանին վնասազերծելիս զոհվել են բանկի անվտանգության աշխատակից, «Արմոբիլ» ՓԲԸ-ի պահնորդ Խաչատուր Գալստյանը եւ ՀՀ ոստիկանության Երեւան քաղաքի վարչության ՊՊԾ գնդի ոստիկան Արա Շախգուլյանը: Գյուլբենկյան փողոցից Դանիելյանի փախուստը կանխել էին ոստիկանները եւ քաղաքացիները:

Հիշեցնենք, որ Դանիել Դանիելյանը մինչեւ դեպքը զբաղեցրել է ՀՀ ոստիկանության «Ճանապարհային ոստիկանություն» ծառայության տեսանկարահանման միջոցով հայտնաբերված խախտումների արձանագրման կենտրոնի պետի պաշտոնը։