Տարոն Մարգարյանը շինարարության համար, վտանգի ենթարկելով քաղաքացիների կյանքը, թույլ է տվել փակել հետիոտների համար նախատեսված մայթը (լուսանկարներ)
Վերջին տարիներին Երևանում շինարարության ասպարեզում զարմանալի պատկերներ ենք տեսնում: Տեսնում ենք, թե ինչպես են շինարարական բոլոր նորմերի խախտումով շենքի տանիքին մի ամբողջ թաղամաս կառուցում, ինչպես են խաղահրապարակների հաշվին ավտոտնակ ու նոր շինություններ կառուցում:
Թվում է, թե զարմացնելու բան չի մնացել, սակայն Էրեբունու վարչական շրջանում արտառոց իրավիճակի ականատեսը դարձանք. այստեղ շինարարական տարածքը մեծացրել են մայթերի հաշվին: Այսինքն, հետիոտների համար նախատեսված մայթը փակել են՝ շինարարություն անելու համար:
Իսկ վայրը բավական մարդաշատ է, մոտակայքում գտնվում է «Գայանե» ունիվերմագը, բենզալցակայանը, ու հետիոտները, այսուհետ իրենց կյանքը վտանգելով, պիտի ստիպված ճանապարհի մեջտեղով քայլեն, քանի որ մայթ չկա:
Իսկ նման շինարարական աշխատանք կատարելուց առաջ չե՞ք մտածել անցորդների մասին, կամ չգիտե՞իք, թե մայթերն ինչի համար են նախատեսված: Դա նորմա՞լ է:
Իհարկե, ոչ: Այդ դեպքում ինչո՞ւ է քաղաքապետը որոշել էրեբունցիների համբերությունն ու համարձակությունը փորձել: