«Շամլուղի» անտառպետության պահաբաժնից ապօրինի ծառահատումների գործով պաշտոնատար անձանց մասով քրգործ է առանձնացվել

«Հայ­անտառ» ՊՈԱԿ-ի «Լալվարի անտառտնտե­սություն» մասնա­ճյուղի «Շամ­լուղի» անտառ­պետության թիվ 1 պահաբաժ­նի տարբեր տեղամասերում ապօրինի ծառահատումներ կատարելու դեպքի առթիվ հարուցված քրեական գործը 5 անձանց նկատմամբ մեղադրական եզրակացությամբ ՀՀ Լոռու մարզի դատախազության կողմից ուղարկվել է դատարան:

«Hetq.am» ինտերնետային կայքում «Սահմանամերձ Ջիլիզայում շարունակվում են անտառների զանգվածային ոչնչացումը» վերտառությամբ հոդվածում ներկայացված՝ լրագրողի կողմից հայտնաբերված ծառահատումների մասին վկայող տվյալների ստուգման արդյունքնում 2017 թվականի ապրի­լի 28-ին հարուցվել էր քրեական գործ:

ՀՀ քննչական կոմիտեի Լոռու մարզային քննչական վարչության Թուման­յանի քննչական բաժնում քրեական գործով կատարված նախաքննությամբ ձեռք բեր­ված ապացույցներով պարզվել է, որ 2016 թվականի սեպտեմբեր ամսից մինչև 2017 թվականի մարտ ամիսն ընկած ժամանակահատվածում Լուռու մարզի Ալավերդի քաղաքի և Աքորի գյուղի թվով հինգ բնակիչներ իրենց կողմից վարած ավտո­մեքենաներով, փայտանյութ ապօրինի ձեռք բերելու շարունակական դիտավորությամբ, պարբե­րաբար գնացել են «Հայ­անտառ» ՊՈԱԿ-ի «Լալվարի անտառտնտե­սություն» մասնա­ճյուղի «Շամ­լուղի» անտառ­պետության թիվ 1 պահաբաժ­նում գտնվող տարբեր հատվածներ և, առանց թույլատվության, անտա­ռահատման տոմսի կամ անտա­­ռային տոմսի, ապօրինի ծառահատումներ իրականացրել:

ՀՀ բնապահ­պանության նախարարության աշխատակազմի բնապահպանական պետական տես­չութ­յան Լոռու տարածքային բաժնի կողմից կատարված զննությամբ հայտնաբերվել են թվով 24 հաճարենի, 27 բոխի և 1 կաղնի տեսակի հատված ծառեր, ինչի հետևանքով բուսական աշխար­հին պատճառվել է վնաս 2.632.500 ՀՀ դրամի չափով: Նախաքննության ընթացքում ձեռք բերված փաստական տվյալների հիման վրա նկարագրված հանցավոր արարքները կատարելու համար վերոնշյալ քաղաքացիներին մեղադրանքներ են առաջա­դրվել ՀՀ քրեական օրենսգրքի 296-րդ հոդվածի 2-րդ մասի 3-րդ կետով, մեկ անձի դեպքում՝ ՀՀ քրեական օրենսգրքի 296-րդ հոդվածի 1-ին մասով: Քրեական գործը մեղադրական եզրակացությամբ նոյեմբերի 7-ին ուղարկվել է Լոռու մարզի ընդհանուր իրավասության առաջին ատյանի դատարան: Քննությունից թաքնվելու պատճառով նրանցից մեկի նկատմամբ հայտարարվել է հետախուզում:

Ավելի ուշ՝ ՀՀ Բնապահ­պանության նախարարության բնապահպանության և ընդերքի տեսչական մարմնի Լոռու տարածքային բաժնի կողմից «Շամլուղի» անտառ­պետության թիվ 1 պահաբաժ­նի տարածքում իրականացված ստուգման արդյունքում հայտնաբերվել են կանգուն ևս 6 հատ հաճարենու, 10 հատ բոխու, 12 հատ թեղու, 5 հատ ուռենու և 6 հատ քամատապալ բոխու, 1 հատ քամատապալ կաղնու կոճղեր՝ ինչի հետևանքով բուսական աշխար­հին պատճառված է խոշոր չափի:

Քրեական գործի նախաքննության նյութերով ձեռք բերված փաստական տվյալներով պարզվել է, որ ապօրինի ծառահատումների պատճառ է դարձել նաև «Հայանտառ» ՊՈԱԿ «Լալ­վարի անտառտնտե­սութ­­յուն» մասնա­ճյուղի պաշտոնատար անձանց կողմից ծառայության նկատմամբ անբարեխիղճ կամ անփույթ վերաբերմունքի հետևանքով իրենց պարտա­կա­նությունները չկատարելը կամ ոչ պատշաճ կատարելը:

Հաշվի առնելով այս հանգամանքը՝ նախաքննությունն իրականացնող մարմնի կողմից որոշում է կայացվել քրեական գործի նյութերով «Շամլուղի» անտառ­պետության թիվ 1 պահաբաժնի տարածքից առերևույթ ապօրինի ծառեր հատելու և «Լալվարի անտառտնտե­սութ­­յուն» մասնա­ճյուղի պաշտոնատար անձանց կողմից ծառայության նկատմամբ անբարեխիղճ կամ անփույթ վերաբերմունքի հետևանքով անզգուշությամբ պետության օրինական շահերին էական վնաս պատճառելու դեպքի առթիվ ՀՀ քր. օրենսգրքի 296-րդ հոդվածի 3-րդ մասի և 315-րդ հոդվածի 2-րդ մասի հատկանիշներով հարուցել նոր քրեական գործ և առանձնացնել առանձին վարույ­թում: