Շիրակի պետհամալսարանի ռեկտորի հերթական դեմագոգիան կամ շուտասելուկը

Հոկտեմբերի 16-ին Շիրակի պետհամալսարանի ռեկտոր Սահակ Միանսյանը ուսանողների հետ հանդիպման պատրվակով մամլո ասուլիս էր կազմակերպել ՇՊՀ-ում,ո րը շատերի,այդ թվում նաև լրագրողների, կողմից բնութագրվեց որպես շոու: Ասեմ, որ շոուի ռեժիսորը դիլետանտ է, իսկ դերակատարն էլ ավելի վատը:

Նախ զարմանալի էր, որ պարոն Մինասյանն իր խոսքի սկզբում հայտարարեց, որ իր՝ ռեկտոր նշանակվելուց երկու ամիս հետո իր վրա «գրել» են, բայց հատուկ շեշտեց,որ դրանց հեղինակները ՀՀ նախագահին և վարչապետին «բաց նամակ»-ի հեղինակները չեն: Իսկ այդ նամակների մեջ պարունակվող ինֆորմացիան գրեթե կրկնում է այն, ինչ մենք բարձրաձայնում են հիմա: Սրանից ավելի զավեշտալի բան պարոն Մինասյանը չէր էլ կարող հնարել:

Այսինքն` մեկուկես տարի առաջ գալով իշխանության, պարոն Մինասյանն այդ ժամանակ արդեն մտածել էր ԲՈՒՀ-ում ներդնել Հայաստանում գոյություն չունեցող ինտեգրված ուսուցումը,թերբեռնված կուրսերի լսարանային ժամերը կրճատել 50 տոկոսով,աստղաբաշխական աշխատավարձեր տալ յուրայիններին,ոչնչացնել գրադարանային ֆոնդի կեսից ավելին,անիմաստ և ոչ անհրաժեշտ շինարարություն կազմակերպել,որի արդյունքում ԲՈՒՀ-ը կանգնած է ֆինանսական ճգնաժամի առաջ և այլն:

Ու հիմա, արզվում է, այդ անանուն նամակ գրողները մեզ տեղեկություններ են տալիս: Ըստ պարոն Մինասյանի` այդ անանուն նամակագիրները «նոստրադամուսներ» են եղել և կռահել են, թե իրենց նամակից մեկուկես տարի անց՝2017 թ-ի օգոստոսի 25-ին ռեկտոր Մինասյանն ինչ ապօրինի որոշումներ կստորագրի որպես ԲՈՒՀ-ի գիտխորհրդի նախագահ:

Մեր բարձրաձայնած ապօրինությունները և ԲՈՒՀ-ի հանդեպ գործած հանցագործությունները ռեկտորի կողմից իրականացվել են ընդամենը վերջին 4-5 ամիսներին: Խղճուկ էին պարոն Մինասյանի փորձերը ապացուցել, որ ԲՈՒՀ-ի դահլիճի վերանորոգման համար ծախսվել է 33 միլիոն դրամ:

Հետաքրքիր է, բա ինչո՞ւ պարոն Մինասյանը այդ մասին հիշեց մեր նամակի հրապարակումից երեք շաբաթ անց: Հիշելուց էլ ապատեղեկատվություն էր տարածում թվերի մասով:

Իսկ հիմա ներկայացնեմ մի քանի մանրամասներ Համաշխարհային բանկի կողմից դահլիճում իրականացվող ծրագրի(ԾԻԳ-ով) մասին: Այս տարի ԾԻԳ-ից հատկացվել է 63 000 000 դրամ,իսկ համալսարանի բյուջեից՝11 177 000 դրամ:

ԾԻԳ-63 միլիոն դրամ
ՇՊՀ-11 177 000 դրամ(մոտավորապես 18 տոկոս համաֆինանսավորում),որից
աշխատանքի վարձատրություն-612000 դրամ
գրասենյակային ծախսեր-192000 դրամ
տպագրական ծախսեր-52000 դրամ
ծառայությունների ձեռքբերման ծախսեր-2280000 դրամ
այլ ծախսեր-30000 դրամ
ոչ ընթացիկ ակտիվների ձեռքբերում-7468000 դրամ
ոչ նյութական ակտիվների ձեռքբերում-543000 դրամ ընդամենը՝11 177 000

Վերոնշյալն ուղղված է ԾԻԳ-ի տրամադրած և համալսարանի կողմից իրականացվող համաֆինանսավորմանը: Հենց սրանով է պայմանավորված, որ բազմաթիվ հարցազրույցներում մենք երկու թիվ ենք նշել՝100 (առանց համաֆինանսավորման) և 118 միլիոն դրամ( համաֆինանսավորմամբ)…Ռեկտոր Մինասյանի կողմից բարձրաձայնած այլ թվերը ապատեղեկատվություն է… Զարմանալին այն է,որ ԲՈՒՀ-ի կայքից անհետացել են համալսարանի 2017 թ-ի եկամուտների և ծախսերի նախահաշիվը,ինչպես նաև գիտական խորհրդի արձանագրությունները,քանի որ սեպտեմբերի 25-ի գիտխորհրդի ժամանակ,որին ներկա են եղել նաև բազմաթիվ ուսանողներ, պարոն Մինասյանը բոլոր ներկաներին իրազեկել է,որ ԲՈՒՀ-ի բյուջեից մոտավորապես 100 միլիոն դրամ ծախսվել է դահլիճի վերանորոգման համար,իսկ 18 միլիոն դրամն էլ՝որպես համաֆինանսավորում…Մեր ձեռքի տակ եղած նախահաշվում նախատեսված է 86 միլիոն դրամ,որը բնականաբար փոփոխության է ենթարկվել և հասցվել է մինչև 100 միլիոն դրամի…

ԲՈՒՀ-ի համար ամենակարևոր փաստաթղթերը՝եկամուտների և ծախսերի նախահաշիվներն են, գիտխորհրդի և հոգաբարձուների խորհուրդների արձանագրություններն իրենց հավելվածներով,որոնք սակայն ՇՊՀ-ի կայքից անհետացել են: Որքան կարելի է կռահել,ԿԳ նախարարության հանձնախմբի այցի օրվանից պարոն ռեկտորը սկսեց իր անօրինականությունների պարտակումով և «սխալների ուղղմամբ» զբաղվել:

Իսկ հիմա էլ որքան հասկանալի է, անցել է կարևոր փաստաթղթերի կեղծմանը: Հիմա նոր եմ հասկանում, թե ԲՈՒՀ-ի հաշվապահության աշխատակիցները ինչու էին երեկոյան ուշ ժամերին նոր տուն գնում: Երևի դրանով է նաև պայմանավորված ԿԳ նախարար Լևոն Մկրտչյանի լռությունը: Սպասում է,թե երբ է ռեկտոր Մինասյանն ավարտելու իր «սև գործը»: Կեղծիքները շատ արագ կբացահայտվեն մեր կողմից:

Հաջորդ կետը, որին ուզում եմ անդրադառնալ ՝ԿԳ նախարարության կողմից ԲՈՒՀ-ին տրամադրված բակալավրի և մագիստրոսի կրթական ծրագրերի իրականացման լիցենզավորման կարգի կոպիտ խախտումներն են: Պարոն ռեկտորը հպարտ հայտարարեց,որ մենք ոչ մի հիմնական աշխատող չունենք: Շատ լավ…Ստացվում է,որ լիցենզիան ստանալու համար գոյություն չունեցող մասնագետների անուններ եք գնել և այդ կեղծիքի միջոցով ստացել եք լիցենզիաները; Ուրիշ տարբերակ չկա,քանի որ այդ 3 հիմնական աշխատողների անունները լիցենզիայում ներառելը պարտադիր է:

Եթե նույնիսկ այդպես էլ եք ստացել լիցենազիան,ապա դրանից հետո էլ եք կարգը խախտում,քանի որ սոցիոլոգիա, քաղաքագիտություն,համակարգչային գրաֆիկա, իրավագիտություն և այլ իրականացվող կրթական ծրագրերում չի պահպանվում լիցենզիայի պահանջը՝համապատասխան քանակությամբ՝նվազագույնը 3 գիտթեկնածու մասնագետներ այս պարագայում էլ չունեք;

Զավեշտալին այն է,որ ուսանողներին հուզող բարձ ՄՈԳ ունեցողների զեղչերին «միամիտ» մամլո ասուլիս կազմակերպած ռեկտորը շատ հպանցիկ անդրադարձավ,քանի որ կրկին չի կատարելու իր խոստումը;

Վերջին տվյալների համաձայն պարոն Մինասյանը որոշում է ընդունել,որ զեղչվելու են այն ուսանողների վարձավճարները,որոնց ՄՈԳ-ը 86-ից բարձր է…Իսկ զեղչն էլ կազմելու է ընդամենը 20 տոկոս;

Նախորդ տարիներին զեղչվում էին 71-ից բարձր ՄՈԳ ունեցող ուսանողները,որոնցից շատերի զեղչերը 50-80 տոկոս էր կազմում; Համալսարանը գրեթե սնանկացրած ռեկտորը անտրամաբանական շինարարություններ է անում, որոնց վրա ծախսում է հարյուրավոր միլիոն դրամներ և դա անում է սոցիալապես ամենածանր վիճակում գտնվող Շիրակի մարզի Մայր ԲՈՒՀ-ում սովորողների հաշվին; Պարզվում է,ըստ Մինասյանի,ո ւսանողները թող առանց զեղչ մնան,բայց ճաշեն 25 միլիոն դրամ արժողությամբ բուֆետում; Զավեշտները շարունակվում են; Մյուս՝մանր-մունր հարցերին չեմ էլ անդրադառնա…
Ինչպես ասում են՝»Ավելի լավ է լռեր»:

Գագիկ Համբարյան. Ֆեյսբուք