Առեղծվածային դեպք Երևանում. մայրը պնդում է, որ իր 14-ամյա աղջկան բռնաբարել են
SHAMSHYAN.com-ի տեղեկություններով՝ Ոստիկանության Երևան քաղաքի բաժիններից մեկում հետաքննություն է սկսվել երեկ՝ սեպտեմբերի 21-ին, Ոստիկանություն դիմած 57-ամյա Միխայիլ Կ.-ի դիմումի կապակցությամբ։
Ինչպես հայտնում է ֆոտոլրագրող Գագիկ Շամշյանը, վերջինս ոստիկաններին հայտնել է, որ նույն օրը, ժամը 14։00-ի սահմաններում եղբոր աղջիկը՝ 14-ամյա Ի. Կ.-ն դուրս է եկել տանից և նրա գտնվելու վայրի մասին ոչ մի տեղեկություններ չունեն։
Ահազանգով նշված հասցե մեկնած հետաքննչական բաժանմունքի ավագ հետաքննիչին երեխայի մայրը՝ 43-ամյա Ա. Ս.-ն, հայտնել է, որ սույն թվականի օգոստոսին իր աղջկա ծանոթ Արտակ Հ.-ն սեռական հարաբերություններ է ունեցել երեխայի հետ։
Մայրը ոստիկաններին է ներկայացրել նաև իրենց կողմից հայտնաբերված երեխային։ Հետաքննիչի կողմից նշանակվել է դատաբժշկական փորձաքննություն։
Ոստիկանությոնը ձեռնարկում է անհրաժեշտ օպերատիվ-հետախուզական միջոցառումներ՝ Արտակ Հ.-ին հայտնաբերելու ուղղությամբ։