Հարավաֆրիկյան հանրապետությունում 8-ամյա Սանելե Մասիլելա անունով տղան դարձել է աշխարհի ամենաերիտասարդ փեսան
Հարավաֆրիկյան հանրապետությունում 8-ամյա Սանելե Մասիլելա անունով տղան դարձել է աշխարհի ամենաերիտասարդ փեսան՝ ամուսնանալով իրենից 53 տարի մեծ կնոջ հետ:
Ինչպես գրում են լրատվամիջոցները, 8-ամյա երեխայի և 5-ամյա երեխայի մայր 61-ամյա Հելեն Շաբանգաումի ամուսնությունը կայացել է 10 հյուրերի ներկայությամբ: Հարսն ու փեսան մատանիներ են փոխանակել և նույնիսկ ամուսնական երդում տվել, որն ամրապնդվել է ամուսնական համբույրով:
Նման տարօրինակ արարքի պատճառ է հանդիսացել տղայի հանգուցյալ պապիկը, ով հայտնվել է երեխայի երազում և խնդրել ամուսնանալ այդ կնոջ հետ: Տղայի ընտանիքը շատ լուրջ է վերաբերվել երեխայի հայտարարությանը և 2 ամսում կազմակերպել է ամուսնական արարողությունը:
«Մենք արել ենք դա, որպեսզի հարգանքի տուրք մատուցենք մեր նախնիների կամքին: Նրան ոչ ոք չի ստիպել և հուսով ենք, որ երբ տղան մեծանա, իրեն իսկական հարսնացու կգտնի»,-ասում են երեխայի ծնողները:
Չնայած հարսանեկան արարողությանը՝ տղան և իր հարսնացուն միասին չեն ապրելու: Տղայի ընտանիքը հարսանիքի համար ծախսել է 2 հազար դոլար: