ՍԴ անդամ Ֆելիքս Թոխյանը հայտնվել է սկանդալի մեջ
«Ժողովուրդ» թերթը գրում է. «ՍԴ անդամ Ֆելիքս Թոխյանը հայտնվել է սկանդալի մեջ։ ՍԴ որոշումից հետո ՍԴ անդամներից Ֆելիքս Թոխյանը հեռուստատեսությամբ սկսեց մեկնաբանել, թե ինչպես պետք է կիրառվի ՍԴ որոշումը։ Սկզբում «Արմնյուզ»-ով նա ուղիղ եթերում հայտարարել էր, թե օրենքը հակասահմանադրական է, և չպիտի կիրառվի։ Բայց իշխանական ամենաբարձր ատյանների «բացատրական աշխատանքներից» հետո արդեն «Շանթ»-ով նա հակառակն էր պնդում՝ օրենքը մինչև սեպտեմբերի 30-ը պիտի գործի ու պարտադիր կուտակային կենսաթոշակային պահումները պետք է արվեն։ Մինչ այդ, իշխանություններն էլ հոգացին, որպեսզի հեռացվի «Արմնյուզ»-ի հաղորդումը համացանցից։
«Ժողովուրդ»-ին հայտնի դարձավ, որ այս ողջ խառնաշփոթը մեծ դժգոհություն է հարուցել ՍԴ ներսում։ Բանն այն է, որ ՍԴ անդամն իրավունք չունի մեկնաբանել ՍԴ որոշումը. սա նաեւ էթիկայի նորմ է. դատավորն իր խոսքն ասում է կայացրած իրավական տեսքով, և դրանից դուրս նա չպետք է լրացուցիչ մեկնաբանություններ անի։ Բացի այդ, ՍԴ որոշումից դուրս ՍԴ անդամի կարծիքը ընդամենը մասնավոր կարծիք է, այլ ոչ թե ուղեցույց՝ ինչպես կիրառել ՍԴ որոշումը թեմայով։
Մի խոսքով, ՍԴ նախագահ Գագիկ Հարությունյանը հերթական անգամ հիմար վիճակ առաջացրեց իր վճռով։ Ճիշտ այնպես, ինչպես 2003 թվականին, երբ ՀՀ նախագահի թեկնածու Ստեփան Դեմիրճյանի ընտրությունից հետո Ռոբերտ Քոչարյանի համար վստահության հանրաքվեի անցկացման մասին դատարկ որոշում կայացրեց»։
Առավել մանրամասն' «Ժողովուրդ» թերթի այսօրվա համարում: