Հայաստանի և Ադրբեջանի շփման գծերում նկատվում է զինված ուժերի մեծացում. European Voice
Ղրիմի ճգնաժամը մեծացնում է անհագստությունը Կովկասում, որտեղ ռազմական վերջին ժամանակահատվածում աճել է ակտիվությունը սահմանի երկայնքով մեկ: Այս մասին հայտնում է haqqin.az-ը՝ հղում անելով Էնդրյու Գարդներին:
«European Voice» անգլիական պարբերականի խմբագիր Էնդրյու Գարդները իր հոդվածում գրում է.
«Վերջին երկու շաբաթների ընթացքում Վրաստանը հայտնել է, որ իր օդային տարածք են ներխուժել ռուսական ինքնաթիռները, իսկ Հայաստանի և Ադրբեջանի շփման գծերում նկատվում է զինված ուժերի մեծացում: Ներկայումս անհանգստությունը դեռ չի վերաճել ահազանգի: Ռուսաստանի կողմից ներխուժումները տեղի են ունեցել Սոչիի օլիմպիադիայից առաջ և դրա ընթացքում, իսկ Ադրբեջանի զորքերը ակտիվացել են գարնանը: Սակայն այդ միջադեպերը մեծացրել են անհանգստությունն այն պայմաններում, երբ քաղաքական գործիչներն ու դիվանագետները արդեն հատուկ զգուշավորությամբ են քայլում:
Հայաստանի հարցում իրավիճակն էլ ավելի նուրբ է: ԱԳ փոխնախարար Շավարշ Քոչարյանը հայտարարել է, որ իր երկիրը կաշխատի Ուկրաինայի կառավարության հետ: Չնայած նրան, որ Հայաստանը ունի սերտ կապեր Ֆրանսիայի հետ, իր անվտանգությունը կախված է Ռուսաստանի հետ: Հայաստանի խոցելիությունը Ռուսաստանի ճնշմանը ամբողջությամբ բացահայտվեց սեպտեմբերին, երբ Հայաստանի նախագահ Սերժ Սարգսյանը, ընդհատելով իր ամառային արձակուրդը, Պուտինի խնդրանքով մեկնեց Մոսկվա: Այդ ժամանակ Սերժ Սարգսյանը կտրուկ որոշեց չնախաստորագրել ԵՄ-ի հետ ասոցացման համաձայնագիրը, որը տեխնիկապես արդեն լրիվ պատրաստ էր:
Վրաստանը առանց այդ էլ վատ հարաբերությունների մեջ է Ռուսաստանի հետ, քանի որ 2008 թ. Ռուսաստանը ներխուժել էր այդ երկրի տարածք և աջակցում էր Հարավային Օսիայի և Աբխազիայի տարածաշրջաններին, որտեղ ռուսական անձնագրեր ունենալը սովորական երեւույթ է դարձել: Այնուամենայնիվ, Թբիլիսիի ներկայիս իշախնությունները Ռուսաստանի հետ վարում են «կառուցողական դեէսկալացիայի» քաղաքականություն:
Դիտորդները սպասում են, որ Վրաստանը կօգտագործի Ղրիմի ճգնաժամը, որպեսզի ավելի սերտ հարաբերություններ հաստատի ՆԱՏՕ-ի հետ սեպտեմբերին կայանալիք Դաշինքի գագաթաժողովում»: