Էդուարդ Շարմազանովը որոշել է հացադու՞լ անել

Operativ.am-ի թղթակիցը զրուցեց ԱԺ փոխխոսնակ Էդուարդ Շարմազանովի հետ՝ ՀՀ նախագահի թեկնածու Անդրիաս Ղուկասյանի առողջական վիճակի մասին:

Պրն. Շարմազանով, ԱԺ նիստին գալուց առաջ ես Պրն. Ղուկասյանի մոտ էի, նրա վիճակն այնքան էլ լավ չէր, բժիշկներն էլ արյան անալիզ էին վերցնում, ի՞նչ կասեք այս մասին:

-Ես կարծում եմ, որ բժիշկները պետք է ամեն ինչ անեն, որ նրա առողջությունը լինի ուշադրության կենտրոնում և հսկման տակ, որովհետև ես էլ կարող եմ որոշել, որ 50 օր հաց չուտեմ, բայց եթե իմ կյանքին վտանգ է սպառնում,  բժիշկներն, ովքեր Հիպոկրատի երդում են տվել պետք է միջամտեն: Նրանք պետք է  Պրն. Ղուկասյանի  կարծիքի հետ հաշվի չնստեն, մանավանդ, որ նա իր պայքարով ինչ ասելու էր, արդեն ասել է:

Իսկ հնարավո՞ր է նրա վիճակի վատթարացումը հետաձգի ընտրության օրը:

-Ո′չ, չեմ կարծում,- նշեց ԱԺ փոխխոսնակ, ՀՀԿ խոսնակ Էդուարդ Շարմազանովը:

Եվ վերջում, թղթակցի՝ իրեն ուղղված ֆոտոխցիկը տեսնելով՝ Շարմազանովը իր կողքին կանգնած ՀՀԿ խմբակցության պատգամավոր Նաիրա Կարապետյանին կոչ արեց լուսանկարվել իր հետ. 

-Ոչինչ, որ ռեյտինգդ կընկնի,- հումորով ասաց Շարմազանովը: