Բաղրամյան պողոտայում «Volkswagen»-ը բախվել է «Mercedes-Benz»-ին. վերջինս էլ՝ ծառին

Հունվարի 24-ին, ժամը 00:25-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Բաղրամյան պողոտայում՝ սննդի կետի մոտակայքում, տեղի է ունեցել ՃՏՊ՝ կա տուժած։

ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Բաղրամյան պողոտայի թիվ 43 շենքի մոտակայքում «Volkswagen» մակնիշի ավտոմեքենան (վարորդ` Է. Կ., ծնված 1999 թ․) բախվել է «Mercedes-Benz» մակնիշի ավտոմեքենային, ինչի հետևանքով վերջինս բախվել է ծառի։

Մինչ փրկարարների կանչի վայր հասնելը՝ վարորդները հոսպիտալացվել են բժշկական կենտրոն։

Փրկարարները հոսանքազրկել են ավտոմեքենաները և փակել «Mercedes-Benz» մակնիշի ավտոմեքենայի գազի բալոնի փականը։