Արարատի մարզում բախվել են «ՎԱԶ 2107»-ն ու «KamAZ»-ը. կա 1 զոհ, 3 վիրավոր

Այսօր՝ դեկտեմբերի 13-ին, ողբերգական ավոտվթար է տեղի ունեցել Արարատի մարզում: Ժամը 08:15-ի սահմաններում Երևան-Երասխ Մ2 ավտոճանապարհի 42-րդ կմ հատվածում՝ Ազատավան գյուղի վարչական տարածքում, բախվել են «ՎԱԶ 2107» և «KamAZ» մակնիշի ավտոմեքենաները:  

Ինչպես հայտնում է ֆոտոլրագրող Գագիկ Շամշյանը, վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են հիվանդանոց:  

Վիրավորներին առաջինը օգնության են հասել քաղաքացիները և ըստ քաղաքացիների հայտնածի՝ օպերատիվորեն ժամանած «Արտաշատ» բժշկական կենտրոնի շտապօգնության բժիշկների հերթապահ խումբը:  

Բժիշկները վիրավորներին մինչև հիվանդանոց տեղափոխելը՝ տեղում առաջին բուժօգնությունն են ցուցաբերել:  

Մինչ դեպքի վայրում աշխատում էր քննչական խումբը, հիվանդանոցից ահազանգ է ստացվել, որ վիրավորներից մեկը գիտակցության չգալով մահացել է:  

Դեպքի փաստով քննչական վարչությունում նախաձեռնվել է քրեական վարույթ:  

Քննիչի որոմամբ ավտոմեքենան տեղափոխվել է պահպանվող հատուկ տարածք:  

Ֆոտոլրագրողի տեղեկություններով՝ վիրավորներից 2-ը ոստիկանության ծառայողներ են: