Մեդալներ՝ երիտասարդական բաց արկտիկական և ԱՊՀ մասնակից պետությունների երիտասարդական դելփյան խաղերից

Ռուսաստանի Դաշնության Կոմի Հանրապետության Սիկտիվկար քաղաքում անցկացվել են 3-րդ երիտասարդական բաց արկտիկական և ԱՊՀ մասնակից պետությունների 18-րդ երիտասարդական դելփյան խաղերը՝ 10 անվանակարգերում:

ՀՀ կրթության, գիտության, մշակույթի և սպորտի նախարարության աջակցությամբ և Հայկական ազգային դելփյան կոմիտեի (ՀԱԴԿ) մասնագիտական ընտրությամբ խաղերին մասնակցել է նաև ՀՀ պատվիրակությունը՝ 6 մասնակցով՝ դաշնամուր, ջութակ, ժողովրդական նվագարաններ և կերպարվեստ անվանակարգերում: ՀՀ պատվիրակության կազմում ընդգրկված են նաև Հայկական ազգային դելփյան կոմիտեի (ՀԱԴԿ) նախագահ Ալեքսան Զաքյանն ու 2 նվագակցող: 

Հայաստանի ներկայացուցիչները 3-րդ երիտասարդական բաց արկտիկական դելփյան խաղերում նվաճել են 2 ոսկե և 2 արծաթե մեդալներ, 2 դիպլոմ.

Դաշնամուր անվանակարգ (10-13 տարեկան)
Էդուարդ Սիմոնյան, դասատու՝ Լ. Մկրտչյան - արծաթե մեդալ

Դաշնամուր անվանակարգ (14-17 տարեկան)
Էլեն Խաչիկյան, դասատու՝ Մ. Մարգարյան - ոսկե մեդալ

Ջութակ անվանակարգ (14-17 տարեկան)
Էդուարդ Դայան, դասատու՝ Է. Թադևոսյան - ոսկե մեդալ

Ժողովրդական նվագարաններ (18-25 տարեկան)
Լիլիթ Պետրոսյան, դասատու՝ Ծ. Հովհաննիսյան - արծաթե մեդալ

Ժողովրդական նվագարաններ (14-17 տարեկան)
Նարեկ Խանզադյան, դասատու՝ Գ. Դաբաղյան - դիպլոմ

Կերպարվեստ (14-17 տարեկան)
Գոհար Գրիգորյան - դիպլոմ

ԱՊՀ մասնակից պետությունների 18-րդ երիտասարդական դելփյան խաղերում Հայաստանն ունեցել է երեք 1-ին և մեկ 2-րդ մրցանակակիրներ:

Դաշնամուր անվանակարգ (10-13 տարեկան)
Էդուարդ Սիմոնյան, դասատու՝ Լ. Մկրտչյան - առաջին մրցանակ

Դաշնամուր անվանակարգ (14-17 տարեկան)
Էլեն Խաչիկյան, դասատու՝ Մ. Մարգարյան - առաջին մրցանակ

Ջութակ անվանակարգ (14-17 տարեկան)
Էդուարդ Դայան, դասատու՝ Է. Թադևոսյան - առաջին մրցանակ

Ժողովրդական նվագարաններ (18-25 տարեկան)
Լիլիթ Պետրոսյան, դասատու՝ Ծ. Հովհաննիսյան - երկրորդ մրցանակ

ԱՊՀ մասնակից պետությունների 18-րդ երիտասարդական դելփյան խաղերի թիմային հաշվարկով ՀՀ պատվիրակությունը զբաղեցրել է երկրորդ հորիզոնականը: 

Խաղերին մասնակցել են շուրջ 600 տաղանդավոր պատանիներ և երիտասարդներ 13 պետություններից՝ ԱՊՀ անդամ պետություններից, ինչպես նաև ԲՐԻԿՍ-ի և ՇՀԿ-ի ներկայացուցիչներ: Հանդես են եկել Հայաստանի, Ռուսաստանի, Բելառուսի, Ղազախստանի, Ղրղզստանի, Տաջիկստանի, Ուզբեկստանի, Ադրբեջանի, Չինաստանի, Հնդկաստանի, Եգիպտոսի, Իրանի և Բենինի պատվիրակությունները։

3-րդ երիտասարդական բաց արկտիկական դելփյան խաղերի ընթացքում կազմակերպվել է նաև միջազգային կոնֆերանս, որի շրջանակում ՀԱԴԿ նախագահ Ալեքսան Զաքյանը հանդես է եկել զեկույցով, իսկ ՇՀԿ շրջանակում կազմակերպված «Մշակույթը, որպես հարթակ բազմակողմանի համագործակցության և զարգացման համար» կլոր սեղանին ներկայացրել է «Միացյալ ազգերը հանուն խաղաղության նվագախումբ և երգչախումբ» ծրագիրը: