8-ամյա երեխան 2-րդ հարկի լուսամուտից ցած է ընկել․ նրան տեղափոխել են հիվանդանոց
![](/timthumb.php?src=disc/24-05-24/63b198e0806017ac0a836d379f98091d.jpg&w=450)
SHAMSHYAN.com-ի տեղեկություններով մայիսի 17-ին արտակարգ դեպք է տեղի ունեցել Երևանում։ Ժամը 12։20-ի սահմաններում ՀՀ Ներքին գործերի նախարարության ոստիկանության օպերատիվ կառավարման կենտրոնից ոստիկանության Նոր Նորքի բաժին հաղորդում է ստացվել, որ «պոլիտրավմա» ախտորոշմամբ շտապօգնության 53 խումբը «Սուրբ Աստվածամայր» բժշկական կենտրոն է տեղափոխել մի երեխայի։
Ոստիկանները պարզել են, որ երեխան ՌԴ քաղաքացի 8-ամյա Յ․ Վ․-ն է։
Պարզել են նաև, որ վերջինս նշված վնասվածքը ստացել է նույն օրը ժամը 12։00-ի սահմաններում 2-րդ հարկի բնակարանի պատուհանից վայր ընկնելու հետևանքով:
Դեպքի փաստով ոստիկանության Նոր Նորքի բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին։