2 Մարտ, 2024 15:15

Դեսպան Մակունցը Լոս Անջելեսի քաղաքապետին և ոստիկանապետի տեղակալին է փոխանցել Տիգրան Ավինյանի և Վահե Ղազարյանի նամակները

Մարտի 1-ին ԱՄՆ-ում ՀՀ դեսպան Լիլիթ Մակունցի աշխատանքային այցը Լոս Անջելես մեկնարկել է պաշտոնական հանդիպումներով։ Այս մասին հայտնում է ԱՄՆ-ում ՀՀ դեսպանությունը:

Այցի առաջին օրը դեսպան Մակունցը հանդիպել է Լոս Անջելեսի քաղաքապետ Քերըն Բասսի հետ։

«Հանդիպմանը ներկա էին նաև Լոս Անջելեսի քաղաքային խորհրդի նախագահ Փոլ Քրեքորյանը, Լոս Անջելեսում ՀՀ գլխավոր հյուպատոս Կարեն Իսրայելյանը։

Դեսպան Մակունցը քաղաքապետ Բասսին է փոխանցել Երևանի քաղաքապետ Տիգրանի Ավինյանի նամակը՝ երկու քաղաքների միջև համագործակցությունը խթանելու վերաբերյալ։

Զրուցակիցները պայմանավորվել են կապի մեջ դնել քաղաքապետարանների ներկայացուցիչներին՝ փոխգործակցության բազմոլորտ օրակարգ մշակելու համար։

Հաջորդիվ դեսպան Մակունցը առանձին հանդիպում է ունեցել նաև Լոս Անջելեսի քաղաքային խորհրդի նախագահ Փոլ Քրեքորյանի հետ, որի ընթացքում ուրվագծվել են երկկողմ աշխատանքներն առաջ մղելու հնարավորությունները:

Նույն օրը դեսպան Մակունցը հանդիպել է նաև Լոս Անջելեսի ոստիկանապետի տեղակալ Դանիել Ռանդոլֆի հետ:

Դեսպան Մակունցը զրուցակցին ներկայացրել է Ներքին գործերի նախարարությունում բարեփոխումների հիմնական ուղղությունները, փոխանցել Ներքին գործերի նախարար Վահե Ղազարյանի նամակը՝ ուղղված Լոս Անջելեսի ոստիկանապետին։

Զրուցակիցները մտքեր են փոխանակել համագործակցության հնարավոր ոլորտների վերաբերյալ։

Պայմանավորվածություն է ձեռք բերվել աշխատանքներ սկսել հատկապես կրթական, փորձի փոխանակման ծրագրեր իրականացնելու, ինչպես նաև փոխադարձ հետաքրքրություն ներկայացնող այլ ուղղություններով»,- տեղեկացվում է հաղորդագրությամբ:

Возможно, это изображение 2 человека и текст

Возможно, это изображение 3 человека, Овальный кабинет и текст

Возможно, это изображение 4 человека и Овальный кабинет

Возможно, это изображение 4 человека

Возможно, это изображение 2 человека и текст

Դեսպան Մակունցը Լոս Անջելեսի քաղաքապետին և ոստիկանապետի տեղակալին է փոխանցել Տիգրան Ավինյանի և Վահե Ղազարյանի նամակները

Այս թեմայով