Արման Եղոյանը հանդիպել է ԵՊՀ միջազգային հարաբերությունների ֆակուլտետի ուսանողների հետ
![](/timthumb.php?src=disc/23-02-24/45e050ff661cebe880cb4264516c6c73.jpg&w=450)
Խորհրդարանում մասնագիտական փորձաշրջան անցնող ԵՊՀ միջազգային հարաբերությունների ֆակուլտետի 4-րդ կուրսի ուսանողների հետ փետրվարի 23-ին հանդիպել է ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը:
Հանդիպման մասնակիցները պատգամավորի հետ քննարկել են ներկայիս աշխարհաքաղաքական զարգացումներին, 2020 թվականին Ադրբեջանի կողմից սանձազերծած պատերազմի հետեւանքներին, հարեւան պետությունների հետ հարաբերություններին, Հայաստանի անվտանգային միջավայրին առնչվող հարցեր:
Անդրադարձ է կատարվել նաեւ կրթական ոլորտի հարցերին: Ուսանողները նշել են, որ իրենց ավարտական աշխատանքները գրելու փուլում են, եւ պատգամավորից հետաքրքրվել են, թե գրականության ինչ աղբյուրներից կարող են օգտվել: Հանձնաժողովի նախագահը ներկայացրել է մասնագիտական հետաքրքրություն ներկայացնող գրքերի եւ հեղինակների իր առաջարկները, խրախուսել շարունակական կատարելագործումը: