80-ամյա կինը սիրահարվել է անօթևան տղամարդուն և ցանկացել է հարստություն թողնել նրան

Կալիֆորնիայի Կայուկոս քաղաքից 80-ամյա թոշակառու Քերոլին Հոլանդը հանդիպել է 57-ամյա Դեյվիդ Ֆայթի հետ, երբ վերջինս տան տեխնիկական աշխատանքներն է կատարելիս եղել: Տղամարդը պատմել է, որ նախկինում թմրամոլ է եղել և թմրանյութ է վաճառել։ Նա նաև խոստովանել է, որ բանտում է եղել ռումբեր պատրաստելու համար, որոնք, ըստ ոստիկանության, նախատեսված են եղել խանութների կողոպուտի համար։ Մինչ Հոլանդի հետ հանդիպելը տղամարդը նույնիսկ սեփական տուն չի ունեցել և քնել է ապաստարաններում։

Չնայած դրան, Ֆայթին հանդիպելուց ընդամենը շաբաթներ անց թոշակառուն ասել է, որ սիրահարվել է նրան՝ ցնցելով իր դուստրերին՝ Սյուզանին և Սալիին:

«Նա ինձ ինչ-որ առանձնահատուկ բան տվեց իր խոհեմության շնորհիվ: Մենք շատ ընդհանրություններ ունենք։ Ես սիրում եմ նրա կերպարը և ատում եմ, երբ նա գնում է որևէ տեղ», – ասել է նա:

Սյուզանն ու Սալին վստահ էին, որ մայրը հարաբերությունների մեջ է մտել Ֆայթիի հետ։ Նրանք նաև կարծում էին, որ տղամարդը պատրաստվում էր խաբել Քերոլինին և մաս ստանալ նրա ունեցվածքից. տղամարդը համոզել է թոշակառուին վաճառքի հանել իր երկու տները:

Գույքը վաճառելուց հետո թոշակառուն խոստացել է Ֆայթին տալ 600 հազար դոլար, սակայն COVID-19-ի պատճառով հանկարծ հայտնվել է հիվանդանոցում։

Քերոլինի ֆիզիկական և հոգեկան առողջությունը գնալով վատացել է, նա Սյուզանին և Սալիին է թողել ֆինանսների վերահսկողությունը։ Չնայած բժիշկների ջանքերին՝ հիվանդության ծանր ընթացքի պատճառով հնարավոր չի եղել փրկել կնոջ կյանքը։ Քերոլինի ողջ ունեցվածքը ժառանգել են նրա դուստրերը։ Ֆայթին մնացել է առանց փողի և կրկի վերադարձել է փողոց։ Նա պնդել է, որ սիրում էր թոշակառուին և միշտ փորձել է գոհացնել նրան, հայտնում է Shantnews.am-ը։