Թուրքիայում եղանակային վատ պայմանների հետևանքով երկու քաղաքացի է զոհվել, ևս տասը վիրավորվել է

Թուրքիայում երկու մարդ է զոհվել, ևս տասը վիրավորվել երկրում փոթորիկների և հորդառատ անձրևների հետևանքով, կիրակի օրը հայտնել է աղետների կառավարման մարմինը (AFAD):

Նախավերջին «նարնջագույն» սպառնալիքի մակարդակը Թուրքիայի իշխանությունները հայտարարել են կիրակի օրը 81 նահանգներից 47-ում, իսկ եւս 29 նահանգներում «դեղին» մակարդակ հայտարարվել է եղանակային անբարենպաստ պայմանների պատճառով։

Թուրքիայի արեւմուտքում գտնվող Իզմիրում փոթորկի պատճառով ծովը դուրս է եկել ափերից եւ հեղեղել մի քանի շրջաններ։

Ստամբուլում ջերմաստիճանն իջել է միանգամից 10 աստիճանով՝ պլյուս 8-ի, իսկ մի շարք շրջաններում անձրեւ է տեղում։

Աղետը չի խնայել Անթալիայի հանգստավայրը. հանգստավայրի շատ շրջաններում արմատախիլ են եղել ծառեր, վնասվել են մեքենաներ և խանութներ, իսկ Քեփեզի շրջանում ջրանցքները դուրս են եկել ափերից:

Ըստ AFAD-ի, եղանակային վատ պայմանների պատճառով թեժ գծի հետ կապ է հաստատվել գրեթե 1,5 հազար անգամ, առավելապես Իզմիրից։

«Սինոպում, քամու հետևանքով կառույցների փլուզման հետևանքով, փլատակների տակ քաղաքացի է մահացել: Կոնյա նահանգում հորդառատ անձրեւից մի խումբ քաղաքացիներ թաքնվել են գոմում, տեղի է ունեցել փլուզում, որի հետևանքով. մեկ մարդ մահացել է, ևս չորսը հոսպիտալացվել են»,- ասվում է գերատեսչության հաղորդագրության մեջ։

Չորս զինվորներ վիրավորվել են նաև Անկարայի նահանգում փոթորկի հետևանքով իրենց զորանոցում ապակու կոտրվելու հետևանքով, իսկ Գիրեսուն նահանգում տանիքի ընկնելու հետևանքով երկու մարդ վիրավորվել է։

Գերատեսչությունը նշում է, որ իրենց հաջողվել է փրկել 198 քաղաքացու, իսկ աղետի հետեւանքների վերացման աշխատանքներում ներգրավվել է 918 աշխատակից։