Սուպերմարկետներից մեկում բռնկված հրդեհը մարվել է

Հունիսի 4-ին, ժամը 01:21-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Վանաձոր քաղաքի Շինարարների փողոցում գտնվող սուպերմարկետում։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Հրդեհը մեկուսացվել է ժամը 01։34-ին, մարվել՝ 02։11-ին։ Այրվել է սուպերմարկետում գտնվող դեղատունը՝ մասամբ (մոտ 12 քմ), ջերմահարվել են պատուհանները: