Ջեռուցման խափանումների պատճառով Արցախում դասաժամերը կրճատել են․ երեխաները վերարկուներով են նստում դասասենյակներում
![](/timthumb.php?src=disc/02-02-23/4267c4f3be2036363a34b167a19ac80f.jpg&w=450)
Արցախ մտնող միակ գազատար խողովակի աշխատանքը Ադրբեջանի կողմից հաճախակի խափանելու և էլեկտրամատակարարման հովհարային անջատումների պատճառով Արցախի մի շարք դպրոցներում ստիպված կրճատվել է դասաժամի տևողությունը՝ դառնալով 35 րոպե, ինչը բացասաբար է անդրադառնում կրթության որակի վրա: Այդ մասին հայտնում են Արցախի տեղեկատվական շտաբից։
Չնայած ջեռուցմանը, հոսանքի հովհարային անջատումներով պայմանավորված՝ դասասենյակներում ջերմաստիճանը նորմայից ցածր է մնում, այդ պատճառով երեխաները նստում են վերարկուներով։ Այս ամենի հետ մեկտեղ, պարենի սղության պատճառով երեխաները չեն կարողանում սնվել դպրոցական ճաշարաններում։