Նախագահին առաջարկվել է Արգիշտի Ղազարյանին նշանակել Վարչական դատարանի նախագահի պաշտոնում

Բարձրագույն դատական խորհուրդը հունվարի 23-ին որոշում է ընդունել, որում ասվում է.

«1. Հանրապետության նախագահին առաջարկել Արգիշտի Անդրանիկի Ղազարյանի թեկնածությունը՝ Վարչական դատարանի նախագահի պաշտոնի թափուր տեղում նշանակելու համար:

2. Սույն որոշումն ուժի մեջ է մտնում հրապարակմանը հաջորդող օրվանից»:

Ներկայացնում ենք նրա կենսագրական տվյալները:

Ծնվել է 1969 թվականին Մարտունու շրջանի Զոլաքար գյուղում:

1987 թվականից մինչև 1989 թվականը ծառայել է խորհրդային բանակում:

1990 թվականից մինչև 1995 թվականը սովորել է ԵՊՀ իրավաբանական ֆակուլտետում:

1995 թվականից մինչև 1996 թվականն աշխատել է Արագածի շրջանի ժողդատարանում՝ որպես դատական նիստերի քարտուղար:

1996 թվականից մինչև 1999 թվականն աշխատել է Գերագույն դատարանում՝ որպես քրեական կոլեգիայի քարտուղար:

1999 թվականից մինչև 2001 թվականն աշխատել է ՀՀ Վճռաբեկ դատարանում՝ որպես դատավորի օգնական:

2002 թվականին ծավալել է փաստաբանական գործունեություն՝ հանդիսանալով ՀՀ փաստաբանների միության անդամ:

2002 թվականից մինչև 2005 թվականն աշխատել է «Հայաստանի էլեկտրական ցանցեր» ՓԲ ընկերությունում՝ որպես գլխավոր տնօրենի տեղակալ-իրավաբանական վարչության պետ:

2005 թվականից մինչև 2008 թվականն աշխատել է ՀՀ տնտեսական դատարանի դատավոր:

2008 թվականից մինչ օրս աշխատում է ՀՀ Վարչական դատարանի դատավոր: