Կատարը սկանդալի կենտրոնում է հայտնվել այն բանից հետո, երբ նախարարը հայտարարել է, որ Եվրոպան «կարող է ներել» Ռուսաստանին

Կատարը բարդ դրության մեջ է հայտնվել այն բանից հետո, երբ երկրի էներգետիկայի նախարարը հայտարարել է, որ Եվրոպան ի վերջո կարող է «ներել եւ մոռանալ» Ուկրաինա ռուսական ներխուժումը, հաղորդում է BI-ն։

«Ես հասկանում եմ, երբ եվրոպացիներն այսօր ասում են, որ ոչ մի դեպքում չեն վերադառնա ռուսական գազին։ Մեր բոլորիս բախտը բերել է, որ կարող ենք մոռանալ եւ ներել: Եվ ես կարծում եմ, որ ժամանակի ընթացքում ամեն ինչ կկարգավորվի»,-ասել է Կատարի էներգետիկայի նախարար Ալ Քաաբին Աբու Դաբիում կայացած էներգետիկ ֆորումի ժամանակ։

«Հավասարակշռությունը ձեռք կբերվի, հուսով եմ, ինչ-որ միջնորդությամբ կամ հրադադարով կամ էլ ինչ-որ քաղաքական որոշմամբ, երբ Ռուսաստանն ու Եվրոպան լուծեն հարցը․․․Հուսով եմ՝ որքան շուտ, այնքան լավ։ Չեմ կարծում, որ այս պատերազմը եւ այս իրավիճակը հավերժ կտեւեն»,-ասել է նա։

Ռուսական բնական գազի արտահանումը Եվրոպա կտրուկ նվազել է այն բանից հետո, երբ Ռուսաստանը կրճատել է գազի հոսքերը։

Պատմականորեն Եվրոպան կախված է եղել Ռուսաստանից բնական գազի իր կարիքների 40 տոկոսով։ Բայց հիմա մայրցամաքն աշխատում է բարձրացնել իր էներգետիկ անվտանգությունը՝ հրաժարվելով ռուսական գազից։

Ալ Քաաբին նաեւ խոսել է այլընտրանքային առեւտրային հոսքերի մասին՝ հայտարարելով. «Կատարի արտաքին գործերի նախարար Մոհամմեդ բին Աբդուլռահման Ալ Թանին, կարծես, հրաժարվել է իր գործընկերոջ հայտարարություններից՝ ասելով, որ դա «իրականում» երկրի պաշտոնական դիրքորոշումը չէ: Նախեւառաջ, քաղաքական տեսանկյունից, երբ մենք խոսում ենք իրավիճակի եւ պատերազմի մասին, Կատարը շատ հստակ քաղաքական դիրքորոշում ունի այս հարցում՝ մենք չենք ընդունում ներխուժումը այլ երկիր, մենք չենք ընդունում ուժի սպառնալիքները կամ ուժի կիրառումը, մենք չենք ընդունում քաղաքացիական բնակչությանը վնաս հասցնելը»։