«Պահպանելով արժեքները»․ ԶՊՄԿ-ն 70-ամյակը նշեց կայուն զարգացման առաջին զեկույցի ներկայացմամբ (տեսանյութ)
ՏեսանյութերԶանգեզուրի պղնձամոլիբդենային կոմբինատը հիմնադրման 70-ամյակը նշեց ընկերության կայուն զարգացման առաջին զեկույցի ներկայացմամբ։ Լինելով հանքարդյունաբերական առաջատար ձեռնարկություն՝ ընկերությունը հետամուտ է մի շարք արժեքների պահպանպանը՝ որդեգրելով շրջակա միջավայրի պահպանման և բարելավման հստակ ուղեգիծ։ Ընկերության գործադիր տնօրեն Ռոման Խուդոլիի խոսքով՝ կայուն զարգացման հաշվետվությունը ընկերության հեղինակության, լավ կորպորատիվ քաղաքացի լինելու պարտավորության և ընկերության դեմքի անբաժանելի մասն է։
«Վերջին տասնամյակում աշխարհը սկսել է ավելի լավ հասկանալ՝ ինչպես ավելի լավ կառավարել հանքարդյունաբերության ոլորտը՝ ավելի շատ ուշադրություն հատկացնելով կայուն զարգացման հարցերին: Էականորեն կատարելագործվել են էկոլոգիական, սոցիալական և անվտանգային խնդիրների լուծման մեթոդները: Մեր ընկերությունը ևս նախաձեռնել է բազմաթիվ փոփոխություններ հատկապես վերջին տարում, և աշխատանքն այս ոլորտում շարունակվում է: Հավուր պատշաճի կառավարումը, կայուն և կառուցողական արտադրական հարաբերությունների պահպանումը, էկոլոգիական և սոցիալական հարցերին լուրջ վերաբերմունքը ներկայումս պատասխանատու ընկերությունների լուծելիք խնդիրներն են: Ուստի, ԶՊՄԿ-ն իր գործունեության շրջանակում վերոնշյալ հարցերին հատկացնում է և հատկացնելու է լրջագույն ուշադրություն»,- ասաց ԶՊՄԿ-ի գլխավոր տնօրեն Ռոման Խուդոլին։
Սա ընկերության առաջին, բայց ոչ վերջին զեկույցն է լինելու: Զեկույցի վրա աշխատել են ինչպես հայ, այնպես էլ միջազգային խորհրդատուների մեծ թիմ։ Ընկերության որդեգրած ռազմավարության հիմքում ընկած են բնապահպանական, սոցիալական, կառավարչական կարևոր սկզբունքներ։ Որպես պատասխանատու արդյունաբերողներ՝ ԶՊՄԿ-ի համար կարևոր է առաջին հերթին աշխատակիցների աշխատանքային անվտանգությունը, ընկերությունը միջոցներ է տրամադրում համայնքների զարգացմանը, թափոնների կառավարմանը, կարևոր ռեսուրսների օգտագործման օպտիմալացմանը։
Բնապահպանական, առողջապահական, սոցիալական խնդիրների կառավարումը պետք է լինի բոլոր այն ընկերությունների աշխատելաոճը, որոնք ցանկանում են ապագա ունենալ արդյունաբերության մեջ, առաջիկա տարիների ընթացքում այս սկզբունքները շարունակելու են լինել Զանգեզուրի պղնձամոլիբդենային կոմբիտատի գործունեության հիմքում։
«ԶՊՄԿ-ում կայուն զարգացման ծրագիրը բոլոր ուղղություններով բարելավման կարիք ունի, թե՛ բնապահպանական, թե՛ աշխատանքային անվտանգության հարցերում։ Այս առումով երկար ճանապարհ ունենք անցնելու, անհնարին բան չկա, համոզված ենք, որ ճիշտ ռեսուրսների ներդրման պարագայում կհասնենք ավելի լավ տվյալների»,- ասաց ԶՊՄԿ կայուն զարգացման գծով տնօրեն Արմեն Ստեփանյանը։
Կայուն զարգացման զեկույցի շնորհանդեսին ներկա էին օրենսդիր և գործադիր մարմինների ներկայացուցիչներ, զեկույցի շնորհանդեսը ուղեկցվեց թեմատիկ պանելային քննարկումներով՝ հանքարդյունաբերություն, ներդրումներ:
ԶՊՄԿ-ընդունում և իրականացնում է կայուն զարգացման ժամանակակից բոլոր չափանիշները և դրանով իսկ փոխում հանքարդյունաբերական ոլորտի ընկալումը։ Լինելով Հայաստանի տնտեսության սիրտը՝ ընկերությունը շարունակելու է իր գործունեության մեջ թվայնացման, նորարարությունների և փոփոխությունների ներդրումը՝ դառնալով աշխարհում պղնձի և մոլիբդենի առաջատար արտադրողներից մեկը և օպտիմալացնելով ժամանակակից հանքարդյունաբերության արժեքային շղթան։