«Ոնց ասեմ, այնպես էլ կքվեարկեն». Վլադիմիր Վարդանյանն ասել է՝ ինքն է որոշելու, թե ՔՊ-ն ոնց քվեարկի. կլինե՞ն անակնկալներ
Վճռաբեկ դատարանի վարչական պալատի դատավորի թափուր տեղի համար ԲԴԽ-ն առաջադրել է 3-ին՝ Ռոբերտ Առաքելյանին, Արա Բաբայանին և Արծրուն Միրզոյանին, սակայն ՔՊ-ականների «ազատ ընտրությունը» պետք է կանգ առնի ՀՀ Վարչական դատարանի դատավոր Արծրուն Միրզոյանի վրա։
Past.am-ը այս առնությամբ գրում է. «Ամեն դեպքում, այդ մասին հայտարարել է ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը։
Մեր իշխանական աղբյուրների փոխանցմամբ, Միրզոյանը, այսպես ասած, Վլադիմիր Վարդանյանի «մարդն է», նա է ասել՝ «դու պրոբլեմ չունես, հաշվի՝ արդեն ընտրված ես, ոնց ասեմ, ՔՊ-ն էնպես կքվեարկի, էս քվեարկությունը ես եմ որոշելու»։
ՔՊ-ականներին էլ հրահանգել է, որ քվեարկեն իր ասելով։ Մեր տեղեկություններով, իշխող խմբակցության պատգամավորները, սակայն, վրդովվել են իրենց գլխին նոր «ասողի» հրահանգներից և հնարավոր է՝ փակ քվեարկության ժամանակ անակնկալ մատուցեն։