Ադրբեջանում հավատացյալ բանտարկյալները հացադուլ են հայտարարել

Մուսուլմանական միասնության շարժման դատապարտված առաջնորդ Թալեհ Բագիրզադեի հացադուլին միացել են մի շարք այլ հավատացյալներ։ Նրանք բողոքում են ոստիկանական հաստատությունում ուժայինների կողմից խոշտանգումների եւ աստվածանարգության դեմ։ Այս մասին հայտնում է Turan-ը։
«Փոլադ Ասլանովի կնոջ փոխացմամբ՝ նրա ամուսինը հայտնել է, որ հունիսի 6-ից հացադուլ է սկսել եւ այդ մասին պաշտոնապես տեղեկացրել է թիվ 1 գաղութի ղեկավարությանը։ Նույն հիմնարկում Շարժման մեկ այլ անդամ՝ Ջաբբար Ջաբբարովը, եւս հացադուլ է հայտարարել:

Գոբուստանի բանտում հացադուլ է սկսել Շարժման մեկ այլ ակտիվիստ Աբբաս Հուսեյնովը, հայտնել են նրա հարազատները։

Ինքը՝ Բագիրզադեն, արդեն հինգերորդ օրն է, ինչ հացադուլ է անում։ «Երեկ ես եւ Թալեն խոսեցինք հեռախոսով. հինգերորդ օրն է հացադուլի մեջ է։ Միայն ջուր է խմում, ասում է, որ իրեն դեռ լավ է զգում, բայց ձայնի մեջ լարվածություն կար: Գաղութի տնօրինությունը համառորեն պահանջում է դադարեցնել ակցիան, սակայն Թալեն հրաժարվում է: Չնայած հացադուլին՝ նա չի մեկուսացվել, շարունակում է մնալ սովորական խցում»,- պատմել է կինը։

Քրեակատարողական ծառայությունից մեկնաբանություն ստանալ չի հաջողվել:

«Մուսուլմանական միասնություն» շարժման (ՄՄՇ) առաջնորդ Թալե Բագիրզադեն, ով երկարաժամկետ ազատազրկում է կրում, հունիսի 3-ից հացադուլ է հայտարարել։ Նա բողոքում է ոստիկանության կողմից հավատացյալների խոշտանգումների եւ իրավապահների կողմից Ալլահի հասցեին վիրավորանքների դեմ։
Ուժայինների կողմից խոշտանգումների եւ Ալլահին վիրավորելու մասին մայիսի 23-ին մամուլի ասուլիսին հայտարարել էին երկու կրոնական ակտիվիստ, որոնք մայիսի 20-ին ձերբակալվել էին Բաքվի ծանր հանցագործությունների դատարանի շենքի մոտ: