Խոշոր վթար Երեւանում. Opel-ը Հյուսիս-հարավ ճանապարհին տապալել է էլեկտրասյունն ու գլխիվայր շրջվել. կա վիրավոր
Երևանում, այսօր՝ հունվարի 13-ին, խոշոր ավտովթար է տեղի ունեցել. Ժամը 09:40–ի սահմաններում Opel մակնիշի ավտոմեքենան Հյուսիս-հարավ նոր կառուցվող ճանապարհին դուրս է եկել երթևեկելի գոտուց, բախվել էլեկտրասյանը, տապալել այն և մի քանի պտույտ շրջվելով՝ գլխիվայր հայտնվել երթևեկելի գոտուց դուրս:
Shamshyan.com-ի հաղորդմամբ, վթարի հետևանքով վարորդը հետազոտման նպատակով տեղափոխվել է «Աստղիկ» բժշկական կենտրոն:
Վթարի փաստով պարեկային ծառայությունում նյութեր են նախապատրաստվում և պարզվում է վարորդի ինքնությունը: