«Եվրաեռյակը» կարծում է, որ Իրանի միջուկային պաշարները բավարար կլինեն միջուկային լիցք արտադրելու համար
Իրանն ունի միջուկային նյութերի բավարար ծավալ, որը լրացուցիչ հարստացումից հետո բավական կլինի մեկից ավելի միջուկային լիցք արտադրելու համար։ Այս մասին ասված է չորեքշաբթի Մեծ Բրիտանիայի, Ֆրանսիայի եւ Գերմանիայի արտաքին գործերի նախարարությունների համատեղ հայտարարության մեջ, փոխանցում է ՏԱՍՍ-ը։
«Մենք խորապես մտահոգված ենք, որ ավելի քան երկու տարի Իրանը շարունակում է իր համակարգված միջուկային էսկալացիան՝ դրանով իսկ անընդհատ եւ անդառնալիորեն մեծացնելով իր միջուկային ներուժը եւ զգալի վտանգի տակ դնելով միջազգային հանրությանը»,- ասվում է Եվրոպական եռյակի կոմյունիկեում։
«Իրանը ոչ 20 տոկոսով, ոչ 60 տոկոսով քաղաքացիական օգտագործման նպատակով [ուրանի] հարստացման համար ոչ մի հիմնավորում չունի, եւ բարձր հարստացված ուրանի արտադրությունն աննախադեպ է [միջուկային] զենքի ծրագիր չունեցող պետության համար: Արտադրության տագնապալի տեմպերի արդյունքում Իրանի ընդհանուր պաշարներն այժմ բավականաչափ միջուկային նյութեր են պարունակում, որոնք հետագա հարստացման դեպքում կարող են օգտագործվել մեկից ավելի միջուկային լիցք արտադրելու համար, իսկ մինչեւ 20 տոկոս եւ 60 տոկոս հարստացված ուրանի պահեստավորումն էլ ավելի է կրճատում Իրանի համար անհրաժեշտ ժամանակը` բեկում կատարելու եւ առաջին միջուկային զենքը ստանալ համար»,- ասված է համատեղ հայտարարության մեջ։
Այս կապակցությամբ «Եվրաեռյակը» մտահոգություն է հայտնել «առաջադեմ ցենտրիֆուգների համար մոդուլային ենթակառուցվածքի վերջերս տեղադրման կապակցությամբ»: Նման քայլը, ասվում է հայտարարության մեջ, թույլ կտա Թեհրանին ավելի հեշտությամբ վերակազմավորել ցենտրիֆուգների կասկադը՝ ուրանը հարստացնելով մինչեւ ավելի բարձր մակարդակ։ «Իրանը նաեի սկզբունքորեն կարեւոր գիտելիքներ է կուտակել միջուկային զենքի արտադրության վերաբերյալ, հատկապես մետաղական ուրանի ոլորտում»,- նշել են եվրոպական երկրների արտգործնախարարները՝ ընդգծելով, որ նման գիտելիքները քաղաքացիական օգտագործման համար արդարացում չունեն։
Կոմյունիկեում ընդգծվում է, որ Իրանի բոլոր այս գործողությունները հանգեցրել են նրան, որ Իրանի միջուկային ծրագիրն «այժմ շատ ավելի առաջադեմ փուլում է գտնվում»։ Այս ամենը, ասվում է փաստաթղթում, անդառնալիորեն նվազեցնում է Իրանի միջուկային ծրագրի (ԳՀՀԾ) գործողությունների համատեղ համապարփակ ծրագրի արժեքը զանգվածային ոչնչացման զենքերի տարածումը կանխելու ոլորտում։