Պեսկովը հայտարարել է, որ Պուտինը բանակցուններ չի նախատեսում ՕՊԵԿ+ երկրներից գործընկերների հետ
ՌԴ նախագահ Վլադիմիր Պուտինը չի ծրագրում բանակցություններ վարել ՕՊԵԿ+ երկրներից իր գործընկերների հետ, այդ թեմայի շուրջ ամենօրյա հիմքով աշխատում է ՌԴ փոխվարչապետ Ալեքսանդր Նովակը, ասել է նախագահի մամուլի քարտուղար Դմիտրի Պեսկովը, գրում է «ՌԻԱ Նովոստի»-ն։
«Ռուսական կողմը հավատարիմ է մնում ՕՊԵԿ+-ի պայմանավորվածության շրջանակներում ստանձնած պարտավորություններին»,- լրագրողներին ասել է Պեսկովը։
Նա պարզաբանել է, որ այդ թեմայով միջազգային հեռախոսային բանակցությունների հնարավորության մասին հարցը պետք է ուղղել ՌԴ փոխվարչապետ Ալեքսանդր Նովակի գրասենյակին։
«Նախագահն այդպիսի պլաններ չունի»,- ասել է Պեսկովը։
Նավթի բարձր գների ֆոնին խոշոր ներկրողները, այդ թվում՝ Միացյալ Նահանգները, կոչ են անում ՕՊԵԿ-ին եւ դրա գործընկերներին ավելի ինտենսիվ ավելացնել մատակարարումները շուկա։ Ավելի վաղ ԶԼՄ-ները հայտնել էին, որ ԱՄՆ-ն դիմել է մի քանի երկրների, այդ թվում՝ Չինաստանին, Հնդկաստանին, Հարավային Կորեային եւ Ճապոնիային, խնդրանքով դիտարկել նավթի ռազմավարական պաշարների ազատման հնարավորությունը՝ նավթի գների կարգավորման համար։