Foxconn-ը երեք էլեկտրամեքենա է ներկայացրել
Թայվանական տեխնոլոգիական հսկա Foxconn-ը երեք էլեկտրամեքենա է ներկայացրել, ինչը մեծացրել է էլեկտրամեքենաների արագ ընդլայնվող շուկայում խոշոր խաղացող դառնալու հավակնությունը, հաղորդել է AFP-ն:
Էլեկտրոնիկայի խոշորագույն արտադրող Foxconn-ն արդեն առանցքային դեր է խաղում Apple-ի iPhone-ների եւ գաջեթների հավաքման գործում աշխարհի շատ առաջատար բրենդների համար:
Սակայն այն արագ շարժվել է էլեկտրոնիկայի հավաքումից զատ անցել է դիվերսիֆիկացիայի եւ ներդրումներ կատարել էլեկտրամեքենաներում:
Ցուցադրված մոդելները՝ սեդան, ամենագնաց եւ ավտոբուս, հայեցակարգային ավտոմեքենաներ են, որոնք Foxconn-ը հույս ունի ստեղծել այլ արտադրողների հետ համատեղ:
Foxconn-ի հիմնադիր Թերի Գոուն ներկա է եղել իր «Model E» սեդանի շնորհանդեսին եւ ասել, որ ընկերության էլեկտրական մեքենաները «ցուցադրում են Թայվանի ընդհանուր արդյունաբերական հզորությունը»:
Սպասվում է, որ «Model C» սպիտակ ամենագնացը Թայվանի շուկայում կհայտնվի 2023 թվականին:
«Model Т» էլեկտրական ավտոբուսը կարող է սկսել գործել հարավային Գաոսյուն քաղաքում արդեն հաջորդ տարի:
Foxconn-ը մոտ 355 մլն դոլար է հատկացրել 2020 թվականին էլեկտրամոբիլներ արտադրելու համար, եւ ընկերությունը հայտարարել է, որ իր ներդրումները կաճեն առաջիկա երկու տարիների ընթացքում: