Նոր Զելանդիայի Քրասթչերչ քաղաքում 23 տարվա ծառայությունից հետո աշխատանքից ազատվել է պաշտոնական հրաշագործը

Նոր Զելանդիայի Քրասթչերչ քաղաքում աշխատանքից հեռացվել է պաշտոնական հրաշագործը 23 տարվա ծառայությունից հետո:

88-ամյա Յան Բրեքենբերին Չենելը ստացել է 11 280 ԱՄՆ դոլար տարեկան «հրաշագործության» եւ քաղաքը հանրաճանաչ դարձնելու համար:

Սակայն այժմ քաղաքը չի երակարաձգել նրա պայմանագիրը՝ հայտարարելով, որ շարժվում է ավելի ժամանակակից ու բազմազան ուղղությամբ:

Քրայսթչերչը միակ քաղաքն է, որը 1982 թվականից ի վեր ուներ պաշտոնական Հրաշագործ:

Չենելն ասել է տեղական ԶԼՄ-ներին, որ այլեւս չի համապատասխանում քաղաքի «մթնոլորտին»:

«Դա բյուրոկրատների հավաքածու է, որոնք երեւակայություն չունեն»,-ասել է նա:

Իր ավելի քան երկու տասնյակ տարի տեւած կարիերայի ընթացքում Չենելը ստացել է 368 000 դոլար եզակի չհարկվող կարգավիճակի շրջանակում:

Նա համարվում է Քրայսթչերչի զբոսաշրջային արժեքը, նա պարգեւատրվել է 2009 թվականին թագուհու ծննդյան կապակցությամբ: 1982 թվականին Նոր Զելանդիայի պատկերասրահների ասոցիացիայի տնօրենների կողմից Չենելն անգամ հայտարարվել է արվեստի կենդանի գործ, հաղորդում է The Guardian-ը: