Երևանում բացվելու է Ֆրանս-հայկական հետազոտական կենտրոն
Հոկտեմբերի 14–ին` ժամը 15։00-ին Առողջապահության ազգային ինստիտուտի շենքում (Կոմիտաս 49/4) բացվելու է Ֆրանս-հայկական հետազոտական կենտրոնը: Այն կյանքի է կոչվել ֆրանսիական Santé Arménie առողջապահական նախաձեռնության ջանքերով։
Նորաբաց կենտրոնը կերաշխավորի հետազոտական նախագծերի և դրանց իրականացման հաջող ընթացքը, ինչպես նաև նորարարությունների կիրառման պատշաճ գնահատումը:
Հետազոտական կենտրոնի հիմնական նպատակները՝
1. Հայաստանում իրականացվող կլինիկական հետազոտությունները հասցնել միջազգային մակարդակի՝ սփյուռքի փորձագետների ներգրավմամբ
* Հայկական գրանցամատյաններ և պատահականւթյան սկզբունքով արված փորձարկումներ` սփյուռքի բարձրակարգ փորձագետների հետ համատեղ
* Կարողությունների և գերազանցության հայկական ցանց հազվագյուտ պաթոլոգիաների համար
* Բարձրակարգ փորձագետների ինտեգրում/ներգրավում հայկական կենտրոններում և լաբորատորիաներում՝ 3-6 ամիս ժամկետով
2. Ինտեգրացիոն բժշկության նորարարական կենտրոն
* Քննարկումներ նորարար բժշկության թեմաներով՝ ներառյալ հատկապես 3D և ՏՏ մեթոդների կիրառումը հոգեբուժության մեջ և արագ զարգացող այլ մասնագիտություններում
* Էլեկտրոնային բժշկության և նորարարական բժշկության այլ մոդելների մշակում
3. Էլեկտրոնային ուսուցման բժշկական առաջադեմ և ինտերակտիվ հարթակ
* Էլեկտրոնային ուսուցման առաջադեմ ինտերակտիվ հարթակ՝ ստեղծված համաշխարհային փորձագետների և տարածված հայկական հարթակի կողմից, որն օգտագործվում է զարգացող երկրներում և նախկին խորհրդային միության երկրներում:
Կենտրոնը կունենա 5 բաժին.
1. Կլինիկական հետազոտությունների կենտրոն
2. Կենսաբանական ռեսուրսների կենտրոն
3. Sante Armenie բժշկական ակադեմիա
4. Համաճարակաբանության կենտրոն՝ տվյալների շտեմարանով և արհեստական բանականության կիրառմամբ
5. Բժշկական և տեխնոլոգիական նորարարական կենտրոն