Գնել Սանոսյանն ազատվեց Գեղարքունիքի մարզպետի պաշտոնից և նշանակվեց ՏԿԵ նախարար
Կառավարության որոշմամբ՝ Գնել Սանոսյանն ազատվել է Գեղարքունիքի մարզպետի պաշտոնից։
«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» Հայաստանի Հանրապետության օրենքի 6-րդ հոդվածի 1-ին մասով՝ Հայաստանի Հանրապետության կառավարությունը որոշում է.
1․ Գնել Սանոսյանին ազատել Հայաստանի Հանրապետության Գեղարքունիքի մարզպետի պաշտոնից»,– ասված է որոշման մեջ։
ՀՀ նախագահ Արմեն Սարգսյանը հրամանագիր է ստորագրել Գնել Սանոսյանին տարածքային կառավարման և ենթակառուցվածքների նախարար նշանակելու վերաբերյալ։
«Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի.
Գնել ՍԱՆՈՍՅԱՆԻՆ նշանակել տարածքային կառավարման և ենթակառուցվածքների նախարար»,-ասված է հրամանագրում:
Հիշեցնենք, որ մինչ այս Գնել Սանոսյանը զբաղեցնում էր Գեղարքունիքի մարզպետի պաշտոնը և այդ պաշտոնից ազատվել էր այսօր: