Մանվել Փարամազյանը կմնա կալանքի տակ. դատավոր Դանիելյանը որոշում հրապարակել է առանց փաստաբանների ներկայության
Վերաքննիչ դատարանի դատավոր Արմեն Դանիելյանի նախագահությամբ մերժել է Քաջարանի համայնքապետ Մանվել Փարամազյանի պաշտպանների ներկայացրած բողոքը։
Հիշեցնենք, որ երեկ դատավորը մերժել էր պաշտպաններ Լուսինե Սահակյանի ու Երվանդ Վարոսյանի դատավորին ներկայացրած ինքնաբացարկի միջնորդությունը, որից հետո պաշտպանները լքել էին դատարանի դահլիճը:
ArmDaily.am-ի հետ զրույցում Փարամազյանի պաշտպան Երվանդ Վարոսյանն ասաց, որ իրենց՝ դատարանի դահլիճը լքելուց հետո դատավորը շարունակել է նիստը և այսօր 9։30 հրապարակել որոշումը։ «Եթե մեզ համար սպասելի չլիներ այս որոշումը, մենք դահլիճից դուրս չէինք դա։ Մենք ինքնաբացարկ էինք ներկայացրել, որովհետև նախևառաջ նա Արմեն Դանիելյանն է և իր պարագայում որևէ օրինական որոշում ակնկալելը միամտություն է։ Այն հանգամանքը թե ինչպես էր մեր բողոքը հայտնվել իր վարույթում, արդեն նշանակում էր որ արդարատադության հետ մենք գործ ունենալ չենք կարող։
Հիշեցնեմ, խոսքը վևրաբերում է նրան, որ մակագրման համակարգիչը վերաքննիչ քրեական դատարանում չէ, պաշտոնական պարզաբանում չկա, թե որտեղ է, բայց պաշտոնական հաստատում կա, որ Վերաքննիչ քրեական դատարանի նախագահը ձեռքով է մակագրել մեր բողոքը Արմեն Դանիելյանին։ Ելնելով այս ամենից՝ պարզ է, որ համակարգչի այս ոդիսականը նպատակ է ունեցել ապահովել, որ ոչ թե անկողմնակալ մեքենան մակագրում իրականացնի, այլ կոնկրետ անձը։ Սրանից էլ բխում է մնացած հետևանքները»։ Նա ասաց, որ տեղյակ չէ, թե Սյունիքի մյուս համայնքապետերի փաստաբանների կալանավորման դեմ բողոքները որ դատավորներին են մակագրվել, սակայն վստահ է, որ միայն Մանվել Փարամազյանով չեն սահմանափակվի նույն ոճով։ «Միանշանակ, այս գործերով էլ իրենք իրենց համար կանխատեսելի դատավորներ կընտրեն»։
Հիշեցնենք՝ Մանվել Փարամազյանին մեղադրանք է առաջադրվել ՀՀ քրեական օրենսգրքի 38-178-րդ հոդվածի 3-րդ մասով, 311-րդ հոդվածի 4-րդ մասով և 154.2-րդ հոդվածի 2-րդ մասով: Առաջադրված մեղադրանքները Մանվել Փարամազյանը չի ընդունում, գտնում է, որ այս ամենը իր նկատմամբ սանձազերծված քաղաքական հետապնդման շղթայի մի մասն է: