Ովքեր են կողմ եղել Վարդազարյանին պատժելուն, ովքեր՝ ոչ
Ինչպես հայտնի է, ԲԴԽ-ն երեկ որոշում է կայացրել մերժել Կռուպցիայի կանխարգելման հանձնաժողովի միջնորդությունը Ռուբեն Վարդազարյանին քրեական պատասխանատվության ենթարկելու վերաբերյալ:
ArmDaily.am-ին հայտնի է դարձել, որ այս որոշումը կայացվել է ձայների 6/3 հարաբերակցությամբ: ԲԴԽ 6 անդամներ կողմ են քվեարկել, որ միջնորդությունը մերժվի, իսկ երեք անդամներ դեմ են քվեարկել: Կողմ քվեարկած անդամներն են Անի Մխիթարյանը, Մեսրոպ Մակեյանը, Սերգեյ Չիչոյանը, Գրիգոր Բեքմեզյանը, Ստեփան Միքայելյանը, Վիգեն Քոչարյանը: Իսկ միջնորդությունը մերժելուն դեմ են քվեարկել Գագիկ Ջհանգիրյանը, Լիպարիտ Մելիքջանյանը և Դավիթ Խաչատուրյանը:
Իրականում, այս որոշումը կարևոր է ոչ միայն առանձին գործի շրջանակներում, այլ առհասարակ շահառուն կարող են լինել բոլոր հայտարարատու պաշտոնյաները, քանի որ, եթե մեկ անգամ ձևավորվեր նախադեպ ժամկետի խախտմամբ անձի հայտարարագրի ուսումնասիրության հիմքով պատասխանատվության ենթարկելու մասով, ապա այդ նախադեպը կարող էր կիրառվել նաև բոլոր մյուս պաշտոնյաների դեպքում՝ սկսած նախարարներից, վերջացրած պատգամավորներ, դատավորներ և այլն:
Ուշագրավ է, որ որոշումն ընթերցելիս Գագիկ Ջհանգիրյանը կարդաց նաև ԲԴԽ այն անդեմների անունները, ովքեր ստորագրել են այդ որոշման տակ: Նրանք հենց այն անձինք են, ովքեր կողմ են եղել կոռուպցիայի հանձնաժողովի միջնորդությունը մերժելուն: