Վրաստանի նախկին վարչապետ Գախարիան խոստացել է «վերջ տալ Սաակաշվիլիի կուսակցությանը»
Վրաստանի նախկին վարչապետ, «Հանուն Վրաստանի» կուսակցության ղեկավար Գիորգի Գախարիան հայտարարել է, որ երկրում իշխող «Վրացական երազանք» կուսակցությունը կամ չի կարողանում, կամ չի ցանկանում պայքարել երկրի նախկին նախագահ Միխեիլ Սաակաշվիլիի գլխավորած «Միացյալ ազգային շարժում» կուսակցության դեմ: Այս մասին գրում է sputnik-georgia.ru կայքը:
Իր խոսքում Գախարիան խոստացել է «վերջ տալ Սաակաշվիլիի կուսակցությանը»:
«Դատելով այն բանից, ինչ ես տեսնում եմ այսօր, «երազանքը» և «Ազգային շարժումը» միմյանց կերակրում են և ավելի ու ավելի են մերձենում, և դա ինձ համոզում է, որ մենք ենք այն մարդիկ, որ միավորվում են Վրաստանի համար: Լինելու ենք այն ուժը, որը առաջին հերթին պետք է հաղթի «Ազգային շարժման»-ը»,- ասել է Գախարիան Մցխեթայում կուսակցության գրասենյակի բացման արարողության ժամանակ:
«Հանուն Վրաստանի» կուսակցությունը արդեն 5 գրասենյակ է բացել երկրի տարածքում ՝ Զուգդիդիում, Գորիում, Փոթիում, Բաթումում և Մցխեթայում և սկսել է նախապատրաստվել իր առաջին ընտրություններին:
Վրաստանում տեղական ինքնակառավարման մարմինների ընտրությունները տեղի կունենան հոկտեմբերին: Իշխող «Վրացական երազանք» կուսակցության համար, որը խորհրդարանում ներկայացնում է 84 պատգամավոր, այս ընտրությունները չափազանց կարևոր են: Եթե կուսակցությունը հավաքի 43%-ից պակաս ձայն, ապա նշանակվելու են արտահերթ խորհրդարանական ընտրություններ: