«Բարգավաճ Հայաստան» և «Լուսավոր Հայաստան» կուսակցությունները նոր խորհրդարանում չեն լինի

Երեկ, հունիսի 20-ին առավոտյանը ժամը 08։00–ին Հայաստանում մեկնարկել էր ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում ընդգրկված էր 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին հետևել են 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Արտահերթ ընտրություններին մասնակցում էր 25 քաղաքական ուժ, որից 4-ը դաշինքով, 21-ը` կուսակցություն:

ԿԸՀ-ն ամփոփել է բոլոր 2008 տեղամասերի քվեարկության արդյունքները։

Եվ վերջնական արդյունքներով խորհրդարան են անցնում Նիկոլ Փաշինյանի, Ռոբերտ Քոչարյանի, Արթուր Վանեցյանի գլխավորած քաղաքական ուժերը։

«Քաղաքացիական պայմանագիր»՝ 687.251 քվե կամ 53.92%,

«Հայաստան» դաշինք՝ 268.165 քվե կամ 21.01%,

«Պատիվ ունեմ» դաշինք՝ 66.633 քվե կամ 5.23%,

Բարգավաճ Հայաստան կուսակցություն՝ 50.416 քվե կամ 3.96%.

Ըստ օրենքի, եթե անցողիկ շեմը հաղթահարում են միայն երկու քաղաքական ուժ, ապա մանդատներ է ստանում նաև առավելագույն թվով ձայներ հավաքած երրորդ ուժը։

Այդ ուժը «Պատիվ ունեմ» դաշինքն է, որը ստացել է ընտրողների ձայների 5,23 տոկոսը։

«Բարգավաճ Հայաստան» և «Լուսավոր Հայաստան» կուսակցությունները նոր խորհրդարանում չեն լինի։