Հանրապետության որ մարզն ինչ ակտիվությամբ է մասնակցել արտահերթ խորհրդարանական ընտրություններին
Ինչպես արդեն հայտնել ենք՝ ժամը 20:00 - ի դրությամբ, երբ փակվել են ընտրատեղամասերը՝ քվեարկությանը մասնակիցել է 2 մլն 593 հազար 572 ընտրողների 49,4 տոկոսը կամ 1 մլն 281 հազար 174 ընտրող։
Համեմատության համար նշենք, որ 2018 թ-ին 2 մլն 593 հազար 140 ընտրելու իրավուք ունեցողներից քվեարկությանը մասնակցել է1 մլն 261 հազար 105-ի։
Երեւանում ընտրություններին մասնակցել է ընտրողների 51,55 տոկոսը կամ 442 846 ընտրող։ Հատկանշական է, որ այս տարի Երևանիում անհամեմատ ավելի բարձր ակտիվություն է նկատվել քան 2018-ի ԱԺ արտահերթ ընտրություններին, երբ Երևանում քվեարկել էր ընտրողների 47,6 տոկոսը կամ 404 599 քաղաքացի։
Նշենք, որ այս անգամ հանրապետության հարավային մարզերի՝ Սյունիքի և Վայոց Ձորի բնակիչները առավել բարձր ակտիվությամբ են մասնակցել ընտրություններին։
Տոկոսային հարաբերակցությամբ ամենաբարձր ակտիվությունը նկատվել է Սյունիքի մարզում, այստեղ ընտրությանը մասնակցել է ընտրողների 60,38 տոկոսը կամ ընտրողների 66 252 ընտրող։
Տոկոսային հարաբերակցությամբ ակտիվությամբ երկրորդ տեղում Վայոց Ձորի մարզն է՝ 56,05 տոկոս մասնակցությամբ, ընտրությանը մասնակցություն ունեցող 26 132 ընտրող։
Տավուշի մարզում քվեարկել է ընտրողների 53,48 տոկոսը կամ 58 666 ընտրող։
Արարատի մարզում՝50,87 տոկոսը կամ 113 625 ընտրող։
Կոտայքի մարզում՝ 50,08 տոկոսը կամ 121 212 ընտրող։
Արագածոտնի մարզում՝ 50 տոկոս կամ 58 737 ընտրող։
Լոռու մարզում՝ 46.73 տոկոսը կամ 109 141 ընտրող։
Գեղարքունիքի մարզում՝ 45,47 տոկոսը կամ 86 173 ընտրող։
Արմավիրի մարզում՝ 44,47 տոկոսը կամ 104 880 ընտրող։
Շիրակի մարզում՝ 41,24 տոկոսը կամ 93 510 ընտրող։