Իրանում նախագահի երեք թեկնածուներն արդեն շնորհավորել են Սեյեդ Ռայիսիին հաղթանակի կապակցությամբ

Իրանում նախագահի երեք թեկնածուներ` Մոհսեն Ռեզային, Աբդոլնասեր Հեմաթին եւ Սեյեդ Ամիր Հոսեն Կազիզադե Հաշեմին արդեն շնորհավորել են Սեյեդ Էբրահիմ Ռայիսիին հաղթանակի կապակցությամբ, հաղորդում է Тasnim news-ը:

Նախագահական ընտրությունների արդյունքները դեռ չեն հրապարակվել:

Արդյունքները կամփոփվեն ժամը 19.00-ից հետո:

Ձայնի իրավունք ունիեին ավելի քան 59,3 մլն իրանցի:

Նշենք, որ Իրանում նախագահական ընտրություններին քվեաթերթրիկների 90 տոկոս հաշվարկից հետո ավելի քան 17,8 մլն ձայն է հավաքել Սեյեդ Էբրահիմ Ռայիսին:

Նա դարձել է Իրանի Իսլամական Հանրապետության 8-րդ նախագահը, գրում է Тasnim news-ը:

Այլ թեկնածուներ Մոհսեն Ռեզային ստացել է ավելի քան 3,3 մլն ձայն, Աբդոլնասեր Հեմաթին՝ ավելի քան 2,4 մլն, Սեյեդ Ամիր Հոսեյն Կազիզադե Հաշեմին՝ մոտ 1 մլն ձայն:

60-ամյա Ռայիսին Իրանի դատական համակարգի ղեկավարն է: Նա առաջին անգամ չէ առաջադրվում: 2017-ին պարտություն է կրել, այդ ժամանակ հաղթանակ է տարել ներկայիս նախագահ Հասան Ռոհանին:

Հեռացող նախագահ Ռոհանին ասել է, որ ընտրողների ակտիվությունը հիասթափացրել է Իրանի թշնամիներին, որոնք փորձում են հոգեբանական ճնշում գործադրել Իրանի ժոովրդի վրա:  

Հիշեցնենք նաև, ավելի վաղ Operativ-ը հաղորդեց, որ Հասան Ռոհանին հայտարարել էր, որ արդեն հայտնի է՝ ով է հաղթել երեկ անցկացված նախագահական ընտրություններում, բայց անուններ չի նշել: Սակայն փորձագետների կարծիքով հաղթանակ կտանի Իբրահիմ Ռաիսին:

Նշել էինք նաևր, որ գործող նախագահը չի մասնակցել ընտրություններին, քանի որ այլևս չէր կարող իր թեկնածությունն առաջադրել: