Մենք ռեալ շանս ունենք հունիսի 21-ին արթնանալու առանց Նիկոլ Հայաստանում․ անպայման գնացեք և մասնակցեք ընտրություններին․ Միհրան Հակոբյան (տեսանյութ)
Նիկոլ Փաշինյանի տխրահռչակ իշխանության երեք տարիները բառի բուն իմաստով աղետ բերեցին մեր երկրի գլխին։ Հունիսի 20-ին ընտրությունների գնալով՝ կա ռեալ հնարավորություն ազատվելու այս աղետից և ազգակործանների իշխանությունից։ Այս մասին ֆեյսբուքյան ուղիղ եթերի ժամանակ, դիմելով քաղաքացիներին, ասել է «Քառյակ մեդիայի» համահիմնադիր Միհրան Հակոբյանը։
Վերջինս կոչ արեց բոլոր այն քաղաքացիներին, ովքեր այս ընթացքում պայքարել են ներկա իշխանությունների դեմ, բացատրական աշխատանքներ են տարել ժողովրդի հետ՝ կրելով զրկանքներ, կիրակի օրը գնալ և մասնակցել ընտրություններին։
«Գնացեք ընտրության և ձեր քվեն տվեք ում ուզում եք՝ բացի Նիկոլ Փաշինյանից և նրան հարող քաղաքական միավորներից։ Մենք ռեալ շանս ունենք հունիսին 21-ին արթնանալու առանց Նիկոլի Հայաստանում։ Իմ նախընտրությունը N 6-ն է՝ «Պատիվ ունեմ» դաշինքը, քանի որ կարծում եմ՝ Սերժ Սարգսյանը Արթուր Վանեցյանի հետ լավագույնս կարող է լուծել այս խնդիրները՝ ավարտելով պատերազմը։ «Պատիվ ունեմ» դաշինքը նոր էջ կարող է սկսել Հայաստանի պատմության համար, քանի որ այս դաշինքը ղեկավարում են մարդիկ, ովքեր մեծ փորձառություն ունեն Հայաստանը դեպի հաղթանակներ տանելու և արժանապատիվ երկիր ունենալու»։
Միհրան Հակոբյանը ընդգծեց, որ «Պատիվ ունեմ» դաշինքում ընդգրկված մարդիկ՝ իրենց բոլոր թերություններով հանդերձ, ո՛չ հայրենիք են վաճառել, ո՛չ ազգ են կործանել և ո՛չ էլ ստրատեգիական սխալներ են թույլ տվել, և որ նրանք կարող են երկիրը դուրս բերել ստեղծված իրավիճակից։