Երկրի վարչապետը ջունգլիներից փախած վերջին վայրենու նման մուրճը ձեռքին վազվզում է մարզից մարզ․ Վահե Հակոբյան

Առաջարկում եմ նայել, թե ինչ տեսք ունենք մենք միջազգային հարության աչքերում, ինչպե՞ս են նայում մեզ վերջին 3 տարիների ընթացքում։ Արտաշատում ընտրողների հետ հանդիպմանն այսպես ասաց «Հայաստան» դաշինքի առաջնորդներից Վահե Հակոբյանը։

«Նայում ու տեսում են, որ 3 տարի առաջ ինչ-որ ծաղրածուներ եկան, ինչ-ինչ պատճառներով հասան իշխանության ղեկին, տապալեցին COVID-ի դեմ պայքարը, տվեցին 5000-ից ավելի զոհ, հրահրեցին պատերազմ, 5000-ից ավելի մեր փայլուն սերունդը զոհվեց, հանձնեց Արցախի մեծ մասը և էլի հողեր, թշնամին մտավ մեր հողեր և այլն։ Եվ ի՞նչ է անում հիմա երկրի վարչապետը։ Երկրի վարչապետը ջունգլիներից փախած վերջին վայրենու նման մուրճը ձեռքին վազվզում է մարզից մարզերով և ասում է՝ սրա գլուխն եմ փշրելու, սրան եմ ասֆալտին փռելու, ուզում է բնաջնջի կրոնը, աշխատող էլիտային, ու դեռ հայտ է ներկայացրել ևս մեկ անգամ վերարտադրվելու»,- ասաց նա։

Վահե Հակոբյանը հարց բարձրացեց, թե տեսել եք՝ ինչպես է ներկայացվել իշխող ուժի պաստառների վրա եռագույնը։ «Խամրած, ճանկռտած, ճղճղված։ Ժողովուրդ ջան, «Հայաստան» դաշինքը գալիս է և վերադարձնելու է մեր եռագույնի իսկական գույները»,- ասաց նա։