на Русском
Հրդեհ՝ Երևանի Ֆանարջյան փողոցում
Մայիսի 1-ից տեսանկարահանող կամ լուսանկարահանո... 
«Ոչ ոք ներողություն չի խնդրել, և ոչ մի կողմ չի էլ պահանջել դա». Մակրոնը հայտնել է, որ Էրդողանի հետ բանակցություններն անցել են խաղաղ մթնոլորտում
Թուրքիայի նախագահ Ռեջեփ Թայիփ Էրդողանի հետ ՆԱՏՕ-ի գագաթնաժողովի շրջանակում անցկացված բանակցություններն անցել են լավ մթնոլորտում: Այս մասին երկուշաբթի հայտարարել է Ֆրանսիայի նախագահ Էմանուել Մակրոնը՝ ելույթ ունենալով հանդիպմանը և ավարտված գագաթնաժողովին հաջորդած մամուլի ասուլիսում, գրում է ՏԱՍՍ գործակալությունը:
«Մեր այս բանակցություններն ընթացել են խաղաղ մթնոլորտում»,-ընդգծել է Ֆրանսիայի ղեկավարը: Միևնույն ժամանակ, նկատի ունենալով Էրդողանի կողմից նախկինում իր հասցեին արված վիրավորական հայտարարությունները և առաջացած հակասությունները, նա նշել է, որ ընթացիկ բանակցություններում «ոչ ոք ներողություն չի խնդրել, և ոչ մի կողմ չի էլ պահանջել դա»: «Բայց արտահայտվել է աշխատանքը վերսկսելու հստակ ցանկություն»,-ասել է Մակրոնը:
Միևնույն ժամանակ, նա հատուկ ընդգծել է, որ «վերջին ամիսները նշանավորվել են կողմերի ավելի հանդարտ հանրային հայտարարություններով»: «Եվ ես իմ գոհունակությունն եմ հայտնում այս կապակցությամբ»,- ասել է Մակրոնը:
«Բանակցությունների ընթացքում երկուսս էլ նշել ենք, որ անհրաժեշտ է, ելնելով մեր հավաքական նպատակներից, գործադրել բոլոր ջանքերը համատեղ աշխատանք ապահովելու համար»,-ասել է նա:
Մակրոնը տեղեկացրել է, որ բանակցությունների ընթացքում «ինքը մի շարք պարզաբանումներ է տվել այն թեմաների վերաբերյալ, որոնք կարող էին աղավաղվել և օգտագործվել որպես հարձակման պատրվակ»: «Դա առաջին հերթին վերաբերում է իսլամի խնդրին. ես նախագահ Էրդողանին հստակ ասել եմ, որ ֆրանսիական քաղաքականությունը չի կայանում որևէ կրոնի վրա հարձակման մեջ»,-ասել է նա:
«Մեր միլիոնավոր քաղաքացիներ մուսուլման հավատացյալներ են, նրանք ամեն օր դավանում են այս կրոնը»,-ասել է Ֆրանսիայի առաջնորդը: «Այս առումով ուզում եմ ընդգծել, որ այս ոլորտը չի տարածվում ֆրանսիական պետության վրա, և այն ամենը, ինչ այն պահանջում է մուսուլմաններից, խստորեն պահպանելն է Ֆրանսիայի Հանրապետության օրենքներն ու կանոնները»,-ասել է Մակրոնը:
«Ես կարծում եմ, որ Էրդողանին ուղղված բոլոր այս պարզաբանումներն անհրաժեշտ էին պարզեցված մոտեցումից խուսափելու համար, որն արդեն հանգեցրել է միջադեպերի և սրման ի հայտ գալուն (Ֆրանսիայի դեմ): Եվ ոչ միայն Թուրքիայում, այլ նաև մի շարք այլ տարածաշրջաններում, որտեղ իսլամը գերիշխող կրոնն է: Ավելին, այս ամենն օգտագործել են իրենց նպատակների համար մի շարք պետություններ, որոնք բնավ Ֆրանսիայի բարեկամը չեն»,-ասել է Ֆրանսիայի նախագահը:
«Նախագահ Էրդողանն ըմբռնումով է ընդունել իմ կողմից այս բոլոր բացատրությունները և հասկացրել է, որ իր համար կարևոր են ինչպես Ֆրանսիայի անվտանգությունը, այնպես էլ նրա բնակչության համախմբվածությունը»: Միաժամանակ ես նրան հիշեցրել եմ, որ Ֆրանսիայի համար կարևոր նպատակ է հարգել բոլոր կրոնները» -ասել է Մակրոնը:
«Սա այն եղանակն է, որով մենք կարող ենք ստեղծել (Թուրքիայի հետ) համագործակցության գծեր և օգտակար գործողություններ: Հետևաբար, շատ կարևոր է ապահովել դրա առաջընթացը»,-եզրափակել է Ֆրանսիայի նախագահը:
Ինչպես ավելի վաղ տեղեկացրել էր Tert.am-ը, Բրյուսելում ՆԱՏՕ-ի գագաթնաժողովի հարթակում ավարտվել է ԱՄՆ-ի և Թուրքիայի նախագահների հանդիպումը, որի հետ մեծ ակնկալիքներ էին կապված` Ջո Բայդենի Սպիտակ տուն գալուց հետո նկատելիորեն սառած հարաբերությունների ֆոնին:
Ջո Բայդենը Ռեջեփ Թայիփ Էրդողանի հետ երկկողմ հանդիպումն անվանել էր «շատ դրական»:
